Fast sótt hjá B.A.
Hraðsveitakeppni Sparisjóðs Norðlendinga hófst hjá Bridgefélagi Akureyrar þriðjudaginn 30. okt. í hríðarveðri. Ekki væsti þó um spilarana og ekki lét Pétur Gíslason í Hótel Reykjahlíð veðrið aftra sér frá þátttöku þótt um 100 km leið væri að fara. Áfram Pétur!
Eftir þetta fyrsta kvöld af þremur er staða efstu sveita þessi:
Efst er sveit Grétars Örlygssonar (Grétar, Haukur Harðar, Stefán V. og Haukur Jóns) með 249 stig. Næst kemur Sveit Sparisjóðs Norðlendinga (Frímann Stef, Reynir Helga, Björn Þorláks og Jón Björns) með 245 stig. Þessar sveitir gerðu "stórmeistarajafntefli" í síðustu umferð kvöldsins. Í þriðja sæti er sveit Gylfa Pálssonar (Helgi Steins, Árni Bjarna, Hilmar Jakobs og Jón Arngríms) sem hlaut 219 stig og stutt er í næstu sveitir. Meðalskor kvöldsins var 225.

22 pör mættu til leiks í Miðvikudagsklúbbinn 24. október.
Jón Jóhannsson og Sturlaugur Eyjólfsson báru sigur úr býtum. Þeir fengu konfektkassa og fleira frá O.Johnsen og Kaaber. 2. sætið kom í hlut Ingólfs Hlynssonar og Snorra Sturlusonar og fengu þeir þessar fínu ostakörfur. Erla Sigurjónsdóttir og Sigfús Þórðarson voru dregin út og fengu þau frímiða í klúbbinn.

Úrslit spilakvölda Miðvikudagsklúbbsins

Pétur og Jónas sigursælir hjá B.A.

Vetrarstarf Bridgefélags Akureyrar hófst með tveggja kvölda Startmóti, sem kennt er við Sjóvá-Almennar. Þar urðu efstir Pétur Guðjónsson og Jónas Róbertsson með 59 stig. Jafnt þeim var "par" skipað fjórum spilurum: Valmar Valiaots, Pétri Gíslasyni, Sigfúsi Hreiðarssyni og Sigfúsi Aðalsteinssyni. Í þriðja sæti  urðu Frímann Stefánsson og Reynir Helgason með 35 stig.

Næst á dagskrá var Greifatvímenningur, þriggja kvölda impatvímenningur, sem er nýlokið. Eftir verulegar sviptingar varð röð efstu para þessi:
1. Pétur Guðjónsson - Jónas Róbertsson                                100
2. Haukur Harðarson - Grétar Örlygsson - Viðar Ólafsson        91
3. Frímann Stefánsson - Reynir Helgason                                 82
4. Björn Þorláksson - Sveinn Pálsson - Jón Björnsson               43
5. Stefán Vilhjálmsson - Hermann Huijbens - Haukur Jónsson  32
Eins og sjá má voru innáskiptingar algengar!
Veitingahúsið Greifinn veitir verðlaun fyrir þrjú efstu sætin.

Næsta mót B.A. er hraðsveitakeppni Sparisjóðs Norðlendinga sem hefst þriðjudaginn 30. október kl. 19:30 í Lionssalnum Ánni, Skipagötu 14, 4. hæð. Þátttaka tilkynnist Víði Jónssyni, keppnisstjóra, sími 897 7628 eða Stefáni V., s. 898 4475. Aðstoðað verður við myndun sveita.

Hægt er að bæta við einni sveit í staðinn fyrir yfirsetu í Swiss sveitakeppni BR annað kvöld, þriðjudaginn 23.október. Áhugasamir hafi samband við Björgvin keppnissjóra í síma 846-8053. Fyrstir hringja, fyrstir fá...

Björn Friðriksson og Björn G. Friðriksson unnu einskvölds tvímenning hjá Miðvikudagsklúbbnum. Þeir fengu konfektkassa og fleira frá O.Johnsen og Kaaber. 2. sætið kom í hlut Lilju Kristjánsdóttur og Hlyns Vigfússonar og fengu þau bridgebækur og penna. Bridgepennasett var dregið út og rann það til Jónasar Ingimarssonar og Páls Vermundssonar.

Úrslit spilakvölda Miðvikudagsklúbbsins

Sveit Eyktar hefur tögl og haldir eftir 1. kvöld af þremur í monradsveitakeppni BR, þar sem spilaðir eru fjórir stuttir leikir á hverju kvöldi.

Staða efstu sveita
1. Eykt                                       70
2. Vinir                                       54
3. Sölufélag garðyrkjumanna    47
4. Guðlaugur Sveinsson            47
5. Málning                                 43
6. Hjördís Sigurjónsdóttir          42

Sjá öll úrslit

Í kvöld byrjar hjá Bridgefélagi Reykjavíkur þriggja kvölda Swiss monrad sveitakeppni. Skráning hafin! Aðstoðað verður við myndun sveita, vissara að mæta tímanlega og þá eflaust hægt að mynda sveitir á staðnum. Spilamennska hefst kl. 19 í Síðumúla 37. Nánar á bridge.is/br

       Frítt kaffi!      

Guðbrandur og Friðþjófur leiddu allan A.Hansen tvímenninginn fram að næst-síðustu umferð en tóku á honum stóra sínum og náðu 1. sætinu til baka í síðustu umferð!

Öll úrslit á heimasíðu BH!

Næsta keppni félagsins er 4ja kvölda Hausttvímenningur. 3 bestu kvöldin af 4 telja í heildarstöðu.

Garðar Garðarsson og Ómar Olgeirsson urðu efstir í einskvölds tvímenning hjá Miðvikudagsklúbbnum. Þeir fengu +86,5, 0,1 stigi meira en Guðjón Sigurjónsson og Rúnar Einarsson. Garðar og Ómar fengu stórglæsilegar sælgætiskörfur frá 10-11 og Guðjón og Rúnar fengu konfektkassa frá Nóa Sírius. Eiður Mar Júlíusson og Július Snorrason enduðu í 3ja sæti og Guðrún Jörgensen og Erlendur Jónsson í 4. sæti. Þau voru einnig dregin út og fengu konfektkúlur.

Heimasíða Miðvikudagsklúbbsins

Stefán Stefánsson og Vignir Hauksson/Skúli Skúlason unnu glæsilegan sigur í GRAND HÓTEL bötler BR og fengu að launum glæsilegt jólahlaðborð og gistingu á GRAND HÓTEL.

Sjá úrslit

Grand á því! 3.sæti: Sveinn Rúnar Eiríksson-Hrannar Erlingsson
1.sæti: Stefán Stefánsson-Skúli Skúlason(einnig spilaði Vignir Hauksson)
2.sæti: Sigurbjörn Haraldsson-Bjarni Einarsson

Næsta mót félagsins er þriggja kvölda Swiss monrad sveitakeppni. Skráning hafin! Aðstoðað verður við myndun sveita, vissara að mæta tímanlega og þá eflaust hægt að mynda sveitir á staðnum.

Þann 7.október fór fram Monrad barómeter hjá Bridgedeild Breiðfirðinga með þátttöku 28 para

Úrslit 7.október 2007

Efstu pör: 2.sæti:Magnús Sverrisson-Halldór Þorvaldsson
1.sæti: Gróa Guðnadóttir-Unnar Atli Guðmundsson, 3.sæti Kári Jónsson en makker hans Martein Marteinsson vantar á myndina.

16 pör spiluðu einskvölds tvímenning í Miðvkudagsklúbbnum 3. október. Hulda Hjálmarsdóttir og Halldór Þorvaldsson unnu og fengu glæsileg bókarverðlaun. Í 2. sæti voru Hrafnhildur Skúladóttir og Jörundur Þórðarson sem fengu sömuleiðis glæsileg bókarverðlaun. Guðmundur Baldursson og Garðar Garðarsson voru dregnir út og fengu bridge-penna.

Heimasíða Miðvikudagsklúbbsins

A.Hansen tvímenningurinn byrjaði 1. október hjá Bridgefélagi Hafnarfjarðar.

Staðan eftir 1. kvöld

Staðan á toppnum jafnaðist og gamlir lurkar bitu frá sér