Einar Oddsson og Baldur Bjartmarsson unnu 26 para tvímenning með 62,4% skor. Jón Ingþórsson og Vilhjálmur Sigurðsson jr voru næstir með 61,6%.

Heimasíða Sumarbridge

Norðurlandsmót í tvímenningi 2008

Norðurlandsmótið var spilað 1. maí í góðu yfirlæti í Félagsheimilinu Rimum í Svarfaðardal með þátttöku 16 para.

Keppnin var jöfn og æsispennandi. Þegar upp var staðið reyndust þrjú pör efst og jöfn með +38. Röðin réðist því af innbyrðis viðureignum. Norðurlandsmeistarar í tvímenningi 2008 urðu Jóhannes Tr. Jónsson og Kristján Þorsteinsson, Bridgefélagi Dalvíkur og Ólafsfjarðar, sem unnið höfðu hin pörin bæði. Í öðru sæti lentu Guðmundur Halldórsson og Pétur Gíslason, Bridgefélagi Húsavíkur, en Frímann Stefánsson og Reynir Helgason, Bridgefélagi Akureyrar urðu þriðju. Þær mæðgur frá B.A., Ólína Sigurjónsdóttir og Ragnheiður Haraldsdóttur, hrepptu fjórða sætið (+24) og Dalvíkingarnir Grzegorz Maniakowski og Jacek Dawidowicz  það fimmta (+20).

Guðlaugur Sveinsson og Baldur Bjartmarsson unnu 22 para tvímenning með glæsilegt skor, 61,1%. Þeir fengu að launum 2 ostakörfur. Soffía Daníelsdóttir og Alda Guðnadóttir voru í 2. sæti með 59,6% og fengu eðalkonfekt að launum. Í 3. sæti voru Guðrún J'ohannesdóttir og Arngunnur Jónsdóttir með 59,1%.

Heimasíða Miðvikudagsklúbbsins

Bridgefélag Fjarðarbyggðar ætlar að spila alla þriðjudaga í sumar á Reyðarfirði
Spilamennska hefst kl. 19:30 og spilað verður í húsi verkalýsfélags Reyðarfjarðar.
Fyrsta spilakvöld sumarsins er 20.maí
Uppl. gefa Sigurður í síma 6603610 og Ríkharður í síma 8981126
Hvetjum Austfirðinga til að vera dugleg að mæta í sumarskapi !

Guðlaugur Bessason og Sigurður  Sigurjónsson unnu einskvölds tvímenning með þátttöku 30 para. Þeir félagar voru með 62,1%. Í öðru sæti voru Páll Þórsson og Ómar Olgeirsson með 60,1%.

Heimasíða Miðvikudagsklúbbsins

Einmenningsmeistari BR 2008 er Ísak Örn Sigurðsson. Í öðru sæti varð Sverrir Þórisson og Hlynur Garðarsson í því þriðja. Vegleg gjafabréf frá Iceland Express í verðlaun.

Sjá lokastöðu.

Síðasta spilakvöld vetrarins hjá BK verður eins kvölds tvímenningur fimmtudaginn 8. maí. Þá fer fram verðlaunafhending fyrir helztu keppnir vetrarins og eru allir velkomnir.

Skv.  venju er aðalfundinum frestað fram á haust  !!