Arngunnur Jónsdóttir og Guðrún Jóhannesdóttir rótburstuðu vorbötler BR með 93 stig.  Aðrir voru með miklu minna.  Sjá nánar á heimasíðu BR

Öll úrslit og spil 26.apríl - Gunnlaugur og Garðar héldu sjó seinna kvöldið og unnu nauman sigur eftir harða baráttu gegn Hermanni Friðriks og Halldóri Úlfari Halldórssyni.

Minnt á aðalfund BH á A-Hansen á föstudaginn, 30.aprí. Skráning hjá Sigurjóni í síma 8980970

 

Bridge - bridge - bridge

Norðurlandsmót í tvímenningi

1. maí 2010

Norðurlandsmót í tvímenningi verður haldið í

Safnaðarheimilinu við Dalvíkurkirkju

laugardaginn 1. maí 2010.

Spilamennska hefst kl. 10:30 og mótslok áætluð um kl. 18 - 18:30.

Keppnisgjald er 2500 kr. pr. mann.

Léttur hádegisverður innifalinn og kaffi á könnunni.

Spilað er um silfurstig.

Við hvetjum eindregið til góðrar þátttöku í skemmtilegu móti.

Skráning er hjá Hákoni Sigmundssyni, sími 864 6161 og

Víði Jónssyni, sími 897 7628                                                     

 Skráning í síðasta lagi kl. 16 föstudaginn 30. apríl 2010.

                                      Bridgesamband Norðurlands eystra

 

Verðlaunaafhending og lokakvölds-Barómeter. 
Að vanda er vetrinum lokað hjá Bridgefélagi Rangæinga með því að félagarnir hittast á miðvikudagskvöldi, fyrir sumardaginn fyrsta, og gera sér glaðan dag.  Síðasta miðvikudagskvöld varð engin undantekning á.  Menn létu hvorki gos né aðrar yfirlýsingar um náttúruhamfarir halda aftur af sér.  Kvöldið hófst með verðlaunaafhendingu en hægt er að sjá úrslit úr keppnum vetrar hér á vefsíðu félagsins og verða þau því ekki endurtekin (öll). 

En samt er rétt að.....

Baldvin Valdimarsson og Hjálmtýr Baldursson sigruðu fyrra kvöld af 2 í vörbötler BR 2010

Sjá nánar stöðuna á heimasíðu BR

Gunnlaugur Sævarsson og Garðar Garðarsson vel efstir eftir fyrra kvöldið í 2ja kvölda vortvímenningi. Sjá úrslit hér

Siggi og Ragnar með forustu í monrad tvímenningi hjá Bridsfélagi Kópavogs

Suðurlandsmótið í tvímenning árið 2010 var spilað laugardaginn 17. apríl sl. Spilað var í Tryggvaskála á Selfossi, til leiks mættu 14 pör og spiluðu 4 spil á milli para, alls 52 spil. Keppnisstjóri var Guðmundur Þór Gunnarsson.

Suðurlandsmeistarar í tvímenning árið 2010 urðu Gísli Þórarinsson og Þórður Sigurðsson með 56,9% skor. Í öðru sæti rétt á eftir þeim urðu Sverrir Þórisson og Björn Friðriksson með 56,6% skor. Í þriðja sæti urðu síðan Garðar Garðarsson og Gunnar L. Þórðarson með 55,4% skor. Lokastöðuna má finna á þessari síðu. Fyrri hluta af spilum og tíðnitöflum (32 spil) er að finna hér og seinni hlutann (20 spil) er að finna á þessari síðu.

Spilalok og úrslit í meistarakeppninni
Síðasta, formlega, spilakvöld vetrar fór fram nú síðastliðinn þriðjudag og að vanta var engin lognmolla yfir því.  Svo mikil voru lætin að mönnum virtist sem svo að hækkað hafi í nærliggjandi sprænu um allt að 50 cm.  Það er skemmst frá því að segja að orsakir hamagangsins voru þeir nafnar Magnús.  Þeir gjörsigruðu barómeterinn og leiddu keppnina alveg frá því að húsið var opnað.  Gárungar telja að þakka beri Ólafi Ólafssyni fyrir sýninguna þar sem hann hafði nafnana tvo í einkatímum í marga áratugi og á félagið því honum þakkir skildar fyrir þann eldmóð og þolinmæði sem hann virðist hafa sýnt við kennsluna sem varð til að skila slíkum árangri.
Meistarakeppnina vann Sigurður Skagfjörð með glæsibrag og gjörsigraði makker sinn með 28 stiga mun.  Ekki tekur að nefna muninn á næstu menn, þar sem sú tala er varla prenthæf. 
Nánari úrslit má sjá hér.

Sveit Grant Thornton sigraði aðalsveitakeppni BR 2010 með 193 stig.  Í sveitinni spiluðu Sveinn Rúnar Eiríksson, Ómar Olgeirsson, Hrólfur Hjaltason og Oddur Hjaltason. Sveit Málningar varð í 2.sæti og Garðsapótek í 3.sæti. Verðlaun verða afhent í topp 24 einmenningnum. 

Sjá nánar á heimasíðu BR

Vesturlandsmótið í Tvímenning verður haldið að Mótel Venus við Borgarfjarðarbrú laugardaginn 17 apríl kl. 10:00. Spilaður verður Barómeter, allir við alla, ca. 45-63 spil sem fer eftir þátttöku. Mótið er silfurstigamót en ekki er keppt um sæti á Íslandsmóti eins og áður var.

Þáttökugjald er kr. 7.000,- á parið. INNIFALIÐ: Hádegisverður og kaffi/te allan daginn.

Þátttaka tilkinnist til Þórðar í s. 862-1794 og thorduring@gmail.com Formenn Bridgefélaganna á Akranesi og í Borgarfirði taka við skráningum í sínum félögum. Skráningu lokað á fimmtudag kl. 22:00

Opna Borgarfjarðarmótið fer fram dagana 19, 26 og 29 apríl. Fyrsta kvöldið er spilað í Logalandi, annað kvöldið í Mótel Venus og endað á Akranesi fimmtudaginn 29 apríl. Mótið er silfurstigamót og verða pör að mæta öll kvöldin eða útvega varapar. ´

Spilagjald er kr. 1.000,- hvert kvöld.

Hermann Friðriksson sigraði nokkuð örugglega í einmenningskeppni Bridgefélags Hafnarfjarðar. Hrund Einarsdóttir var í 2.sæti og Óli Björn Gunnarsson í 3.sæti. Sjá öll úrslit og spil hér

Suðurlandsmótið í tvímenning 2010

Suðurlandsmótið í tvímenning verður haldið laugardaginn 17. apríl nk. Spilastaður verður í Tryggvaskála á Selfossi, og hefst spilamennska kl. 10:00 og stefnt að  því að vera búið ekki seinna en kl. 18:00. Skráning er hafin á þessari síðu, eða hjá Garðari í síma 844 5209 og Ólafi í síma 898 2880 eða tölvupósti ost@ms.is. Skráningu lýkur fimmtudagskvöldið 15. apríl. Spilað verður um Suðurlandsmeistaratitilinn í tvímenning 2010, og silfurstig verða í boði. Ekki er lengur spilað um þátttöku á Íslandsmóti í tvímenning á svæðamótum.

Þá er lokið fyrra kvöldi af tveimur í einmenningsmeistarakeppni Briddsfélags Selfoss. Gamli refurinn Brynjólfur Gestsson leiðir þegar mótið er hálfnað og skammt á eftir honum er hinn þögli og alvarlegi spilamaður Kristján Már Gunnarsson, voru þeir kumpánar í sérflokki. En þar á eftir koma fræknir feðgar Guðmundur og Gunnar.

Heildarstöðuna má sjá hér

Svo minnum við á suðurlandsmótið í tvímenningi sem haldið verður í Tryggvaskála laugardaginn 17. april næstkomandi. Hægt er að skrá sig í það hér

Aðaltvímenningur Rangæinga lauk síðasta þriðjudagskvöld og fullyrða elstu menn að aðaltvímenningurinn hafi aldrei unnist með eins litlum mun og nú varð.  Það má segja að úrslitin hafi nánast ráðist á einum Impa og því rétt að hafa í huga að betri er einn Impi á blaði en tveir í orði.
Sigurvegararnir náðu 57.85% þegar 4 af 5 bestu kvöldin eru talin saman en það verða sætaskipti á 1 og 2 sæti ef öll kvöld eru talin saman.  Þeir sem enduðu 2. sæti náðu 56.75% heildarskori en 57.60% (4 af 5). 
Með sigur af hólmi fóru Sigurður og Torfi, þeir áttu jafnt og gott mót og sigurinn verðskuldaðan.  Í öðru sæti urðu Halldór og Kristján, en því miður dugði eldmessan ekki að þessu sinni en full trú er á því að þeir komi fílefldir til leiks að ári.  Þessum snillingum er óskað til hamingju með góða spilamennsku og frábæran árangur.  Nánari úrslit má sjá hér.

Þriggja kvölda vor tvímenningur með monrad sniði hefst hjá Bridsfélagi Kópavogs fimmtudaginn 8. apríl.

Aðeins 1 kvöld er eftir í aðalsveitakeppni BR 2010
Sveit Grant Thornton er með afgerandi forystu, en þó ekki næga.

1   Grant Thornton     163
2-3 Málning            145
2-3 Gylfi Baldursson   145
4   Garðs Apótek       141

Sjá nánar á heimasíðu BR

Krappabarómeter 30.3.2010,  eins og nafnið gefur til kynna er það fyrirtækið Krappi sem gefur verðlaunin í þetta mót.  Veitt eru verðlaun fyrir 1-3 sæti ásamt neðsta og „Tottenham“ sætinu sem gárungarnir vilja meina að sé næsta fyrir ofan miðju.  Þeir félagar Sigurður og Villi P. komu sáu og sigruðu næsta örugglega með skor uppá 232 stig og 74,36%. Næstu menn eru það langt á eftir að þeir hverfa í öskufallið.  Gaman er að geta þess að nokkuð var um góða gesti þar sem vinir okkar og nágrannar frá Selfossi lögðu land undir fót og komu við í kaffi og spil.  Nánari úrslit má sjá hér.

Emma Axelsdóttir og Davíð Lúðvíksson unnu 16 para tvímenning með 57,2% skor. Erla Sigurjónsdóttir og Guðni Ingvarsson voru í 2. sæti með 56,6%. Þessi pör unnu sér inn páskaegg auk þess sem Sigurður Kristjánsson og Eiríkur Sigurðsson voru dregnir út og fengu páskaegg.

Staðan og öll spil