Miðvikudagsklúbburinn spilar á sama tíma og Stjörnutvímenningurinn á Bridgehátíð 2011.

Spiluð verða sömu spil og í Stjörnutvímenningnum og fá sigurvegarar keppnisgjald í tvímenning Bridgehátíðar í verðlaun.

Þetta er tilvalið tækifæri til að kynna sér nýja spilastað Bridgehátíðar!

Allir spilarar eru velkomnir og spilað er í Síðumúla 30, 2. hæð, með inngangi bakatil.

Spilaður verður eins kvölds tvímenningur í Síðumúla 37 þriðjudaginn 25. janúar, daginn fyrir Bridgehátíð!

Vegna bridgehátiðar verður eins kvölds tvímenningur miðvikudaginn 26.janúar hjá bridgfélögunum á suðurnesjum. Keppni í butlertvímenningnum heldur svo áfram eftir bridgehátið. Allir velkomnir sem vilja spila.

Guðmundur Gunnarssoon og Björn Snorrason náðu forystu í sveitakeppnístvímenning hjá Briddsfélagi Selfoss þegar tvö kvöld af 3 eru búin. Staðan á toppnum er þétt og verður síðasta kvöldið æsispennandi. Ekki er spilað næsta fimmtudag vegna briddshátíðar. Næsta spilakvöld briddsfélags Selfoss er því fimmtudaginn 5. febrúar.

 Staðan í keppninni

Reykjavíkurmeistarar í sveitakeppni 2011 er sveit Sparisjóðs Siglufjarðar, en í þeirri sveit spiluðu Jón Baldursson, Þorlákur Jónsson, Sverrir Ármannsson, Steinar Jónsson, Aðalsteinn Jörgensen og Bjarni H Einarsson.

Sjá nánar á heimasíðu mótsins.

Feðgarnir Júlíus Snorrason og Eiður Már Júlíusson sigruðu örugglega í þriggja kvölda Monrad-barómeter Bridgefélags Kópavogs. Þeir voru í álíka stuði og Íslaenska Landsliðið í handbolta í gærkvöldi og fengu 63% skor þegar síðasta kvöldið var spilað. Öll úrslit og heildar lokastöðu má sjá á heimasíðu Bridgefélags Kópavogs. 

Ekki verður spilað næsta fimmtudag vegna Bridgehátíðar. Þriðja febrúar hefst síðan 3-4 kvölda Barómeter. Nánar aulýst síðar hér á síðunni.

Lilja Kristjánsdóttir og Ólöf Ólafsdóttir voru efstar af 22 pörum í Miðvikudagsklúbbnum, 19. janúar. Þær skoruðu 61,4%. Næstir voru Björn Arnarson og Erlingur Þorsteinsson og í 3ja sæti Hulda Hjálmarsdóttir og Halldór Þorvaldsson.

Miðvikudaginn 26. janúar verður spilað í sama húsnæði og Bridgehátíðin fer fram í, Síðumúla 32, 2. hæð. Spiluð verða sömu spil og í Stjörnutvímenningnum og í 1. verðlaun er keppnisgjald í tvímenninginn á Bridgehátíð.

Miðvikudagsklúbburinn - úrslit og öll spil

Búið er að spila 1 kvöld af 3 í nýja sveitakeppnistvímenningnum hjá Bridgefélagi Selfoss. Efstir eru Helgi og Brynjólfur með 50 impa í plús, í 2. sæti eru Kristján Már og Helgi Grétar með 47,8 impa í plús og í 3. sæti eru Anton og Pétur með 46 impa í plús. Sautján pör taka þátt og er spiluð tvöföld umferð.

 Nánar um úrslitin ásamt spilagjöf er að finna hér.

Hér koma úrslitin úr jólamóti okkar Rangæinga sem haldið var í golfskálanum á Strönd 15.01.    Mótið tókst í alla staði afar vel.   Strönd er frábær spilastaður og viðurgjörningur Kötu veitingastjóra, eins og best verður á kosið.   Þá á Ólafur Steinason skilið bestu þakkir fyrir sitt framlag en hann sá um bridgemate búnaðinn.    Verðlaunin voru svo gefin af Kaupás (Kjarval, Nóatún o.fl. búðir), Sláturfélagi Suðurlans og MS.    Við færum þeim bestu þakkir fyrir stuðninginn.

Þumalputtaregla hvað úrslit varðar var sú að eftir því sem menn komu lengra að, því betur gekk.    Þó er vert að nefna árangur nýliðanna okkar, sem stóðu sig afar vel og skutu fjórum pörum aftur fyrir sig á þessu móti sem verður að teljast með þeim sterkari sem spiluð eru austan Þjórsár.  Vel gert drengir og munum að æfingin skapar meistarann.

Fyrsta umferð í sveitakeppni félagsins var spiluð síðastliðin þriðjudag.    Allsráðandi einvaldur raðaði í sveitir og eru þær sjö talsins.    Þá er Butlerárangur para reiknaður út og verður verðlaunaður sérstaklega með notadrjúgum verðlaunum.  Úrlit má sjá hér.

Reykjanesmótið í Sveitakeppni er í fullum gangi og keppnisstjóri uppfærir úrslit og spil eftir hverja umferð sem tekur ca. eina og hálfa klukkustund. Þið getið fylgst með á heimasíðu svæðissambands Reykjaness. Keppni lýkur í dag um hálf átta og byrjar aftur á morgun kl 10:00.

Heimasíða Reykjaness

16 pör mættu til leiks í fimm kvölda butlertvímenningi. Spiluð verður tvöföld umferð, 5 spil milli para og 30 spil á kvöldi. Efstir eftir fyrsta kvöld er þeir Jóhannes Sigurðsson og Karl Hermannsson með 49 Impa. Svolítið á eftir þeim koma þeir Svavar Jensen og Arnór Ragnarsson með 34 Impa.

Mótið heldur áfram næstu 4 miðvikudaga og hefst spilamennska kl 19:00

Úrslit og spil

Þórður Björnsson og Birgir Örn Steingrímsson hafa eins stigs forystu á Sigurð Sigurjóns og Ragnar Björnsson eftir tvö kvöld af þremur í Monrad-tvímenningi Bridgefélags Kópavogs. Úrslit kvöldsins og heildarstöðuna má sjá á heimasíðu Bridgefélags Kóavogs.

Birkir Jón Jónsson og Anton Haraldsson stóðu uppi sem sigurvegarar í tvímenningskeppni Bridgehátíðar Vesturlands með skor upp á 61,5%.  Í öðru sæti enduðu Harpa Fold Ingólfsdóttir og Svala K Pálsdóttir og í 3. sæti enduðu þeir Bjarni Einarsson og Aðalsteinn Jörgensen.

 Sjá nánar á heimasíðu mótsins.

Fyrsta þriðjudag þessa árs hittust topp 16 spilarar síðasta spilaárs í félagsheimili Bridgefélags Rangæinga og öttu kappi í einmenningi.  Sláturhúsið á Hellu gefur vegleg verðlaun sem og sárabætur.  Í verðlaun er saltkjötssoðning sem og í sárabótum.  Eftir æsispennandi kvöld þar sem menn skiptust á að leiða hópinn var það snillingurinn Sigurjón Pálsson sem náði að landa titlinum í ár.  Nánari úrslit hér.

Framundan:

 

Kristján Már Gunnarsson og Helgi Grétar Helgason sigruðu HSK mótið sem fór fram föstudaginn 7. janúar. Þeir tóku snemma forystu og létu hana ekki af hendi eftir það.

Næsta mót briddsfélagss Selfoss er þriggjakvölda butler tvímenningur.

Skráning í butlertvímenning

Úrslit og spil HSK mót

Sveit Bjarna Einarssonar vann sveitakeppni Bridgehátíðar Vesturlands 2011. Með Bjarna spiluðu Aðalsteinn Jörgensen, Júlíus Sigurjónsson og Þröstur Ingimarsson. Í öðru sæti var sveit Snorra Karlssonar og í þriðja sæti sveit USA. 

Öll úrslit, spil og butler er að finna á Heimasíðu Bridgehátíðar Vesturlands 2011

Þriggja kvölda monrad-barómeter hófst hjá Bridgefélagi Kópavogs í gærkvöldi. Þórður Björnsson og Birgir Örn Steingrímsson eru efstir eftir fyrsta kvöld með 61,6% skor. Öll úrslit og spil má sjá hér.

Hvert kvöld er spilað sem sér keppni en verðlaun veitt fyrir heildarárangur úr öllum þremur kvöldunum.

Hægt er að bæta inn fleiri pörum seinni tvö kvöldin en þau eiga þó ekki rétt á verðlaunum.

 

REYKJAVÍKURMÓT Í SVEITAKEPPNI 2011-HEIMASÍÐA 

Búið er að ákveða spiladaga fyrir Reykjavíkurmótið í sveitakeppni 2011.

 Þriðjudagur 4. janúar: 2 umferðir
Miðvikudagur 5. janúar: 2 umferðir
Fimmtudagur 6. janúar: 2 umferðir
Mánudagur 10. janúar: 2 umferðir
Þriðjudagur 11. janúar: 2 umferðir
Miðvikudagur 12. janúar: 2 umferðir
Þriðjudagur 18. janúar: 2 umferðir
Laugardagur 22. janúar: 3 umferðir

Þessi dagskrá miðast við 18 sveitir. Fyrsti dagur út er mánudagurinn 10. janúar. Ef þátttaka verður meiri þá bætist við föstudagurinn 14. janúar.

11 efstu sveitir í Reykjavík vinna sér rétt í Undanúrslit Íslandsmótsins í sveitakeppni 2011. Spilaðir eru 16 spila leikir og eru veitt silfurstig fyrir hvern leik og uppbótarstig skv. lög um veitingu meistarastiga BSÍ. Keppnisgjald er 30,000 kr. á sveit.

Keppnisstjóri er Vigfús Pálsson

Tekið er við skráningu hjá BSÍ í síma 587-9360 eða í tölvupósti bridge@bridge.is

svo er hægt að skrá á netinu:

Skrá í Reykjavíkurmót í sveitakeppni

Skráningarlisti

Dregið verður í umferðarröð kl. 17:00 þriðjudaginn 4. janúar