Félög

Örvar og Ómar sigruðu minningamót BR með miklu yfirburðum.  5% meira en næsta par.

Sjá nánari úrslit á heimasíðu BR

SKRÁNINGARLISTI - stutt í að mótið fyllist...

Sjá allt um minningarmót Ásmundar Pálssonar og Símonar Símonarsonar hér

Í dag var keppt um væna flugelda á Akureyri í mjög jöfnu og skemmtilegu móti. Það voru tvö pör jöfn og efst en Pétur Guðjónsson og Sigurbjörn Haraldsson unnu eftir að hafa haft þá Gylfa Pálsson og Helga Steinsson í innbyrðis viðureign.

Stefán Sveinbjörnsson og Kristján Þorsteinsson voru svo aðeins tveimur stigum neðar.

Heildarstaðan

Eftir harða keppni, þá sigruður Hrannar Erlingsson og Runólfur Jónsson jólamót BR 2013.  Sjá öll úrslit hér

Jólamót Bridgefélgs Hafnarfjarðar

Verður haldið að Flatahrauni 3a, Hafnarfirði, þann 28.12.2013  og hefst klukkan 13:00 . Keppnisgjald er 8.000 fyrir parið. Innifalið eru veitingar og kaffi í kaffihléi. Veitt verða peningaverðlaun fyrir fyrstu fimm sætin og tvenn aukaverðlaun fyrir og eftir hlé.         

• 1. verðlaun 80.000 parið .       
• 2. verðlaun 60.000 parið .       
• 3. verðlaun 40.000 parið.       
• 4. verðlaun 20.000 parið.       
• 5. verðlaun 10.000 parið.

Skráið ykkur á þátttökulistann, sendið tilkynningu á gpetur@gmail.com eða hafið samband í símum 8235996 eða 8221339.

Athugið að þáttökulistinn er uppfærður tvisvar á dag. Þannig að liðið geta nokkrir klukkutímar þar til skráningin birtist á listanum.

Skoða skráningarlista

 Sjáumst í jólaskapi,

Stjórn BH. 

Keppnisstjóri biðst afsökunar á að hafa gleymt að færa inn uppbótarstig fyrir Aðalsveitakeppnina en þau eru nú komin rétt á heimasíðuna. 

Eiður Mar Júlíusson vann sér inn flest bronsstig hjá Bridgefélagi Kópavogs á nýlokinni haustvertið eða 230 stig alls. Hjördís Sigurjónsdóttir og Kristján Blöndal koma skamt á eftir með 222 stig. 

Bronsstigin fram að jólum og dagskráin frá áramótum og fram á vor eru komin á heimasíðu Bridgefélags Kópavogs

Kristján Már varð hlutskarpastur  í jólaeinmenningi félagsins þetta árið og hlaut að launum sérstaklega girnilegt hangilæri frá Krás. Næstur á eftir honum kom Brynjólfur Gestsson. Að móti loknu deildi formaðurinn út spilastokkum og bað menn um að vera duglega að æfa sig um jólin. Briddsfélag Selfoss er nú komið í jólafrí og hefst starfið aftur fimmtudaginn 2.janúar með HSK mót. Athygli er vakin á því að þá hefst spilamennska kl 18:00.

Stjórn félagsins óskar félögum gleðilegra jóla og farsældar á nýju spila ári.

Spil og staða í jólaeinmenningi

Skráning í HSK mót 2. janúar

HSK mót í bridds 2014 

HSK mótið í tvímenningi verður haldið í Selinu á Selfossi fimmtudaginn 2. janúar nk. kl. 18:00. Spilaðar verða 11 umferðir með 4 spilum á milli para, Monrad röðun, alls 44 spil. Spilað verður um silfurstig og verður ungmennafélagsandinn í hávegum hafður. Skráningu er nú lokið, en þær þurftu að hafa borist fyrir kl. 12:00 fimmtudaginn 2. janúar á heimasíðu briddsfélags Selfoss, slóðin er http://bokun.netberg.is/bridgeselfoss/. Athugið að takmarkað rými er á spilastað, og aðeins pláss fyrir 18-19 pör, og er það orðið fullbókað. Hafið samband við Ólaf í síma 898 2880 ef þið viljið vera á biðlista, ef eitthvað par dettur út

 

Jolatvímenningur Bridgefélags Kópavogs fór fram í kvöld og var spilað á 10 borðum. Bernódus Kristinsson og Ingvaldur Gústafsson sigruðu nokkuð örugglega með 62,5% skori og Birgir Örn Steingrímsson og Þórður Björnsson urðu aðrir með 59,7%. Öll úrslit má sjá á heimasíðu Bridgefélags Kópavogs.

Spilamennska hefst aftur eftir jólafrí fimmtudaginn 02. janúar með þriggja kvölda Monrad-tvímenningi.

 

Öll úrslit og spil er að finna á úrslitasíðu föstudagskvölda BR

Tveggjakvölda jólaeinmenningur hófst s.l. fimmtudag með þátttöku 20 spilara. Menn mæta í jólaskapi og gefa gjafir og þiggja gjafir, þó ekki hafi verið jafnvægi í því hjá öllum. En efstur er Guðmundur Þór og þar á eftir koma Bergsteinn og Kristján Már. Mótinu líkur næsta fimmtudag og mun þá formaðurinn deila út verðlaunum.

Spil og staða

 

Sveit Hjördísar Sigurjónsdóttur sigraði í Aðalsveitakeppni Bridgefélags Kópavogs sem lauk í gærkvöldi. Þau fengu 11,64 stigum meira en sveit Guðlaugs Bessasonar í 13 umferðum sem gerir  0,89 stigum meira í hverri umferð. Sigursveitin fékk 14,31 stig að meðaltali í umferð en mest var hægt að fá 20 stig úr hverjum leik. Öll úrslit má sjá á heimasíðu Bridgefélag Kópavogs.

Bland.com skaust á toppinn með 81,20 stig eftir 6 umferðir af 11 í Aðalsveitakeppni BH. Sveit Gabríel Gíslasonar er í 2. sæti með 78,58 stig og í 3ja sæti er Miðvikudagsklúbburinn með 75,36 stig.

Mánudaginn 16. desember verður spilaður jólatvímenningur BH og er öllum eldri borgurum boðið að spila.  Spilamennska byrjar kl. 18:30 og verður spilaður Monrad Barómeter.

Öll úrslit og spil í Aðalsveitakeppninni

Þegar aðeins er eftir að spila þrettándu og síðustu umferðina í Aðalsveitakeppni Bridgefélags Kópavogs eru tvær sveitir sem enn geta borið sigur úr bítum. Þó er ljóst hvaða þrjár sveitir lenda í þremur efstu sætunum því of langt bil er í fjórðu sveitina. Í síðustu umferðinni spilar toppsveit Hjördísar við sveit Björns Halldórssonar sem er í þriðja sæti og með góðum leik gætu Björn og félagar hjálpað Guðlaugi Bessasyni og hans sveinum að ná toppsætinu af Hjördísi sem á þó 14,48 stig uppá að hlaupa. Öll úrslit má sjá á heimasíðu Bridgefélags Kópavogs.  

Ekki náði neinn að ógna þeim Kristjáni Má og Gísla á toppnum, og enduðu þeir kappar sem öruggir sigurvegarar Sigfúsartvímenningsins. Öllu meiri keppni var um næstu sæti, en þeir Guðjón og Vilhjálmur náðu öðrusætinu eftir mikla baráttu. Síðasta mót fyrir jól er tveggjakvölda jólaeinmenningur, og lofar formaðurinn veglegum verðlaunum.

Spil og staða

Skráning í jólaeinmenning

5. des fór af stað 3ja kvölda tvímenningur þar sem 2 kvöld telja.  Arnór Ragnarsson og Gunnlaugur Sævarsson voru efstir í kvöld með 56% skor. Næstu menn á eftir eru mjög jafnir. Karl G. og Svala með 53,3% skor. Ingimar og Siguðrur með 53% skor og Sigurjón og Oddur ásamt Garðari Garðars. og Bjarki Dagsson með 52,7% skor. 

Úrslit og spil getið þið séð hér.   

Næstu tvö kvöld eru partur af þessu móti en samt stök kvöld svo allir eru velkomnir.

Föstudaginn 29. nóvember komu Hafnfirðingar í heimsókn til Selfyssinga og háðu árlegu bæjarkeppni sína. Var þetta í 68. sinn sem keppnin fer fram, en hún hefur verið spiluð á hverju ári síðan árið 1945.

Leikar fóru þannig að Hafnfirðingar unnu með 104 stigum gegn 70.

Borð	Selfoss	Hafnarfjörður
1	19	11
2	15	15
3	13	17
4	19	11
5	1	25
6	3	25
Alls	70	104

Spilagjöfin úr keppninni er á þessari síðu og hér á Facebook síðu Bridgesambandsins má finna myndir sem Aðalsteinn Jörgensen tók í keppninni.

Þriðja kvöldið af fjórum voru það Ævar Ármannsson og Árni Bjarnason sem náðu bestum árangri en sem fyrr eru efstir Pétur Guðjónsson, Stefán Ragnarsson og Grettir Frímannsson.

Öll úrslit og spil hér

Auðbergur Jónsson og Hafsteinn Larsen sigruðu 100 ára Afmælismót Hugins.  Sjá öll úrslit mótsins hér

Guðmundur Snorrason og Kjartan Ásmundsson unnu fyrsta föstudagskvöld BR með 63% skor.  Í 2. sæti voru Gabríel Gíslason og Gísli Steingrímsson me 58,7% og í 3ja sæti voru Bergur Reynisson og Stefán Stefánsson með 55,9%.

4 sveitir héldu áfram að spila Miðnætursveitakeppni eftir að tvímenningnum lauk

Öll úrslit og spil

kvöld, föstudaginn 29. nóvember ætlar Bridgefélag Reykjavíkur að vera með eins kvölds tvímenning í Síðumúlanum og hefst spilamennska kl.19 og ef menn eru í miklu spilaskapi verður kannski sett upp sveitakeppni á eftir.

 

Eftir tíu umferðir af þrettán í Aðalsveitakeppni Bridgefélags Kópavogs hefur sveit Hjördísar Sigurjónsdóttur aukið við forskotið aftur og hefur nú 21 stig á næstu sveit. Þau fengu 36,33 stig af 40 mögulegum í gærkvöldi. Baráttan um næstu sæti er öllu harðari og mun væntanlega harðna enn frekar á lokasprettinum. Sveitakeppninni lýkur tólfta desember og fimmtudaginn nítjánda verður síðan Jólatvímenninur. Öll úrslit má sjá á heimasíðu Bridgefélags Kópavogs.

Kristján og Gísli eru enn eftstir eftir 3 kvöld af 4 í Sigfúsarmótinu. Leiða þeir mótið með þægilega forystu á næstu pör. Mótinu lýkur fimmtudaginn 5. desember. Nánar getið þið séð úrslit og skor einstakra para hér. Síðasta mót ársins verður svo tveggja kvölda jólamót sem spilað er með einstaklingssniði, svokölluðu Landmannahellis fyrirkomulagi. Mótið hefst 12. desember og skráning er hafin hér.

Föstudaginn 6.desember verður haldið tvímenningsmót á veitingastaðnum Við höfnina hjá Gústa vert.

Hörð barátta er í Akureyrarmótinu í tvímenning en annað kvöldið unnu naumlega Pétur Guðjónsson og Stefán Ragnarsson rétt á unan Birni Þorlákssyni og Jónasi Róbertssyni.

Sjá öll úrslit

Sveitin mín er efst eftir tvær umferðir í aðalsveitakeppni Bridgefélags Hafnarfjarðar.

Þetta var mjótt á munum.  en þeir fengu stóra skor í síðustu umferð.  Sigurvegar kvöldsins voru Anton og Sævar með 93 stig.

Sjá nánar á heimasíðu BR

Það urðu sviptingar á toppnum í sigfúsartvímenningnum á Selfossi. Kristján og Gísli eru eftstir þegar mótið er hálfnað. Ljóst er að margir munu gera atlögu að þeim félögum.

Spil og staða 

 

 

Sjöunda og áttunda umferð í Aðalsveitakeppni Bridgefélags Kópavogs voru spilaðar í kvöld. Staðan á toppnum hefur heldur jafnast og sveitir sem voru um miðja töflu náðu góðum sigrum. Stöðuna og öll úrslit má sjá á heimasíðu Bridgefélags Kópavogs.

Ingimundur Jónsson og Jón Viðar Jónmundsson unnu 33 para Monrad Barómeter tvímenning með 64,1% skor. Í 2. sæti voru Guðlaugur Sveinsson og Brynjar Jónsson og 3ja sæti varð hlutskipti Þorgerðar Jónsdóttur og Aðalsteins Jörgensen.

Öll úrslit og spil

Aðaltvímenningur Briddsfélags Selfoss hófst síðast liðin fimmtudag, um er að ræða fjögurra kvölda barómeter tvímenning með tvöfaldri umferð. Guðjón og Vilhjálmur leiða eftir fyrsta kvöldið en skammt á eftir þeim koma gjaldkerinn og skipstjórinn.

 Spil og staða

 

Þriðja kvöldið af sjö í Aðalsveitakeppni Bridgefélags Kópavogs var spilað í gærkvöldi. Eftir sex umferðir af 13 hefur sveit Hjördísar Sigurjónsdóttur tekið góða forystu með 92 stig og 16 stigum meira e næsta sveit. Það verður að teljast góð forysta þar sem mest er hægt að fá 20 stig með nýja útreikningnum. Öll úrslit og stöðuna má sjá á heimasíðu Bridgefélags Kópavogs.

Bridgehátíð Vesturlands verður haldin á Hótel Hamri helgina 4.-5. jan 2014. Á laugardeginum verður spiluð sveitakeppni, 7x8 spila leikir eftir Monrad.  Á sunnudeginum verður spilaður tvímenningur 44 spil eftir Monrad.  Búið er að næta við 100 fm sal á Hamri svo nú er nóg pláss!  Tilboð á gistingu kr 10.000 á herbergið, morgunmatur 1400 og kvöldmatur á 4500.

Hrund Einarsdóttir ásamt Dröfn Guðmundsdóttur og Hrólfi Hjaltasyni urðu hlutskörpust í tveggja kvölda tvímenningi í Hafnarfirði. Þátttaka var ekkert spes í þessu móti en það skýrist af því að margir fastagestir voru að spila á Madeira. Og einnig var keppnisstjórinn, Sveinn Rúnar á Madeira þar sem hann og Þröstur unnu sveitakeppnina ásamt þýsku pari, vel gert!

Öll úrslit má sjá á heimasíðu félagsins. Næsta mánudag, 18. nóvember hefst aðalsveitakeppnin.

Nýlokið er þriggja kvölda hraðsveitakeppni Gámaþjónustu Norðurlands en henni lauk með sigri sveitar Young Boys. Í henni spiluðu Pétur Guðjónsson, Stefán Ragnarsson, Jónas Róbertsson og Sveinn T. Pálsson. Sjá heildarstöðu

Næsta mót er sjálft Akureyrarmótið í tvímenningi með barómeter formi og hefst þriðjudaginn 12.nóvember.

Létum sjá okkur sem flest en skráning er á staðnum

Austurlandsmót í Tvímenningi 2013 stendur nú sem hæst.   Sjá stöðu mótsins hér.

Aðlsveitakeppni Bridgefélags Kópavogs hélt áfram í gærkvöldi en þá voru spilaðar þriðja og fjórða umferð. Sveit Hjördísar þurfti að lúta í gras í fjórðu umferðinni á meðan Vinir fengu fullt hús og hjuggu mjög nærri toppsætinu. Þess má geta að á þessu ári var teki upp nýr vinningsskali þar sem fullnaðarsigur er 20-0 og jafntefli 10-10. Öll úrslit má sjá á heimasíðu Bridgefélags Kópavogs.

Ólafur Steinason og Þröstur Árnason sigruðu málarbutlerinn að þessu sinni. Sigur þeirra félaga var nokkuð öruggur. Í öðHru sæti voru Hartmannsbræður. Næsta mót félagsins er Sigfúsarmótið, fjögurrakvölda tvímenningur.

Skráning í Sigfúsartvímenning

Spil og staða í málarbutler

Tuttugu og sex pör mættu í spil hjá Miðvikudagsklúbbnum í gærkvöldi. Sigríður Friðriksdóttir og Axel Rudolfsson sigruðu með 60,3% skori. Öll úrslit má sjá á heimasíðu Miðvikudagsklúbbsins 

Í gær, fimmtudag, fór fram síðasta kvöldið í haustvímenningi og voru kvöldin 3 en 2 töldu.  Í harðri baráttu voru þeir Sigurjón og Oddur við þá Gunnar og Garðar.  Þeir síðarnefndu voru á gaóðri leið með að tryggja sér sigur í mótinu en það hafðist ekki og þeir Sigurjón og Oddur sigruðu þetta haustið.

Næst verður spilað 3ja kvöld hraðsveitakeppni þar sem dregið verður í sveitir hvert kvöld og eiga því allir jafnan möguleika. Skemmtilegt fyrirkomulag og hvetjum við alla til að mæta.

Úrslit má sjá hér

Hartmansbræðrum tókst að komast upp fyrir þá Ólaf og Þröst í Málarabutler félagsins. En forskotið er ekki mikið svo að það verður mikil spenna næstkomandi fimmtudag þegar mótinu líkur.

Spil og staða 

 

Fyrstu tveimur umferðunum í Aðalsveitakeppni Bridgefélags Kópavogs er lokið og náði sveit Hjördísar Sigurjónsdóttur 20-0 sigri ein sveita í fyrstu umferð og er í efsta sæti. Öll úrslit má sjá á heimasíðu Bridgefélags Kópoavogs.

En forystan er naum.  Hún getur horfið í einu spili.  Staðan er...

1. Jón Baldursson - Sigurbjörn Haraldsson  = 59
2. Friðjón Þórhallsson - Hrólfur Hjaltason = 50
3. Kjartan Ásmundsson - Stefán Jóhannsson  = 46

.  sjá nánari  úrslit á heimasíðu BR

Sveit Gunnlaugs Sævarssonar vann 2ja kvölda Hraðsveitakeppni BH með +148 impa.  Þeir sýndu mikinn stöðugleika og skoruðu +74 bæði kvöldin. Með Gunnlaugi spiluðu Kristján Már Gunnarsson, Sigtryggur Sigurðsson og Friðjón Þórhallsson.

Næstu 2 mánudagskvöld verða spilaðir 2 einskvölds tvímenningar

Úrslit og spil úr spilakvöldum BH

Kvöld tvö af þremur í hausttvímenning á Suðurnesjum var æsispennandi allt fram í lokaumferð. Kvöldið endaði með að tvö pör voru jöfn en Garðar Garðarsson og Gunnar Guðbjörnsson enduðu fyrir ofan þá Sigurjón og Odd, en bæði pör fengu 65,7% skor.

Sigurjón og Oddur leiða keppnina en síðasta kvöldið verður spennandi.   Allir að mæta og taka þátt í þessari skemmtilegu keppni.

Úrslit má sjá hér

Fyrsta kvöldið af þremur í butlertvímenning hófst fimmtudaginn 24. okt með þátttöku 14 para. Spilað var á nýjum stað og virtist nýja staðsetningin fara vel í þá Ólaf Steinason og Þröst Árnason því þeir eru með nokkuð þægilega forystu í mótinu. En það er ljóst að margir munu reyna að gera atlögu að þeim félögum svo þeir meiga ekki sofna á verðinum.

Hér er hægt að skoða spil og stöðu í mótinu.

 

Kristján Snorrason og Ásmundur Örnólfsson náðu besta skori kvöldsins á lokakvöldi SuperSub-impmótsins sem var spilað nú í kvöld. Eiður Mar Júlíusson og Eðvarð Hallgrímsson, sem leysti Júlís Snorrason af, urðu í þriðja sæt sem dugði þeim til öruggs sigurs í heildarkeppninni. Öll úrslit má sjá á heimasíðu Bridgefélags Kópavogs.

Næsta keppni félagsins er AÐALSVEITAKEPPNIN sem hefst næsta fimmtudag og er hægt að skrá sig hjá Jörundi s. 699-1176 í fyrir miðvikudagskvöld.

Sveit Gunnlaugs Sævarssonar skoraði +74 impa fyrsta kvöldið af 2 í Hraðsveitakeppni BH. Þeir komu sér vel fyrir á toppnum.

Úrslit og spil

Eftir eitt kvöld af þremur eru Sigurjón og Oddur efstir með 66,5% skor. Spiluð verða 3 kvöld og 2 telja svo það er nóg eftir. 

Briddsið er farið á fullt á Suðurnesjum og hvetjum við alla til að mæta og mynda góða stemmningu a fimmtudögun.

rslit má finna hér

Suðurgarðstvímenningi Briddsfélags Selfoss lauk á fimmtudag með sigri þeirra Björns Snorrasonar, voru þeir með 61,2% skor þegar búið var að henda lakasta skorinu út. Næstir voru þeir Ólafur Steinason og Þröstur Árnason með aðstoð framsóknarmanna og fengu þeir 59,9% skor. Í þriðja sæti voru svo Hartmannsbræður með 59,1% skor.

Næsta keppni félagsins er þriggjakvölda butlertvímenningur, athygli er vakin á því að spilað verður á nýjum stað í selinu á Íþróttavellinum. Sjá staðsetningu hér En spilatíminn er óbreyttur fimmtudagskvöld kl 19:30

Hægt er að skrá sig í mótið hér

Spil og staða

Lokastaðan

 

Júlíus Snorrason og Eiður Mar Júlíusson urðu efstir á öðru köldinu í SuperSub-impamótinu hjá Bridgefélagi Kópavogs nú í kvöld. Þeir feðgar náðu risaskori, 96 impa í plús og 42 impum meira en næsta par. Öll úrslit má sjá á heimasíðu Bridgefélags Kópavogs.

Ásgeir Ingvi Jónsson og Sigurður G. Sigurðsson unnu 26 para tvímenning með 64%.  Rétt á hæla þeim í 2. sæti voru Hulda Hjálmarsdóttir og Unnar Atli Guðmundsson með 62,9%.  Í 3ja sæti voru Ari Jónasson og Dofri Þórðarson.

Öll úrslit og spila Miðvikudagsklúbbsins

Þá fer dagskráin á Suðurnesjum á fullt.  Byrjum þetta á þriggja kvölda tvímenning þar sem tvö kvöld telja. Hvetjum hvort annað til að mæta og að sjálfsögðu er heitt á könnunni.

 Kv,

Stjórnin

Hrund Einarsdóttir og Dröfn Guðmundsdóttir unnu Gamla vínhús butler tvímenning félagsins. Þær skuturst upp fyrir Guðbrand og Friðþjóf síðasta kvöldið í heidarstöðunni en þar giltu 2 bestu kvöldin af 3.  Þær fengu 89 impa, sem var 4 impum meira en Guðbrandur og Friðþjófur sem enduðu í 3ja sæti.
Halldór Svanbergsson og Gísli Steingrímsson enduðu í 3ja sæti.

Næsta keppni félagsins er 2ja kvölda Hraðsveitakeppni

Öll úrslit og spil BH

Ragnar Magnússon og Valgarð Blöndal eru Jólasveinar BR 2013.  Valgarð er að endurtaka sama leik og í fyrra þegar hann sigrði einnig.  Sjá nánari úrslit á heimasíðu BR

Þegar 2 kvöldum af 3 er lokið í Suðurgarðsmótinu eru Björn Snorrason og Guðmundur Þór Gunnarsson efstir með 60,7% skor. Í öðru sæti eru Anton og Pétur Hartmannssynir með 58,6& skor og í þriðja sæti eru Kristján Már Gunnarsson og Vilhjálmur Þór Pálsson með 56% skor. Síðasta kvöldið verður spilað 17. október nk. Öll úrslit og spil eru á þessari síðu.

 

Friðjón Þórhallsson og Sigtryggur Sigurðsson náðu góðri forystu á fyrsta kvöldinu af þremur á SuperSub-impamótinu sem hófst í kvöld. Nokkur önnur pör fengu góðan plús úr völdinu en öll úrslit má sjá á heimasíðu Bridgefélags Kópavogs 

Ákveðið hefur verið að fresta föstudagsbridge sem átti að vera á morgun
föstudaginn 11.okt. m.a. vegna fótbolta o.fl.

Sl. þriðjudag mættu 15 pör til leiks á öðru spilakvöldi vetrarins.    Sólbrúnir, en líklega seint sagt sætir, mættu Jói vert og Siggi Skógabóndi vel stemmdir til leiks, eftir að hafa sleppt byrjunarhæðinni (fyrsta kvöldinu).   Lögðu strákana og stelpurnar auðveldlega að velli og unnu með yfirburða skori, 63,9%.   Þeir síkátu Selfyssingar, Garðar og Billi, urðu í öðru sæti með 56,8% skor en Örn III og Birgir III, urðu svo aftur í 3ja sæti, nú með 54,2% skor.    Vel gert piltar!   Af tillitssemi við spilastjóra verður þess ekki getið hér í hvaða sæti hann lenti en áhugasamir geta séð öll úrslit og spil hér

Þar sem þeir félagar, Jói og Siggi, stóðu brosandi upp frá borðinu eftir síðustu setuna heyrðist Jói hvísla að Sigga:

Kröftugur og fær í flest

finnst af öðrum bera

Ennþá finnst mér allra best

ofaná að vera!!

 

Næsta keppni hjá Bridgefélagi Kópavogs er SuperSub-impamótið. Um er að ræða þriggja kvölda Butlertvímenning sem hefst fimmtudaginn 10 október kl. 19:00 og er skráning á staðnum eða hjá Jörundi s. 699-1176. Spilaðar verða sjö umferðir með fjórum spilum, alls 28 spil hvert kvöld.

Spilað er í Gjábakka, félagsheimili aldraðra, að Fannborg 8 aftan við Landsbankann við Hamraborg.

Anna Þóra Jónsdóttir og Esther Jakobsdóttir unnu 2. dömukvöld BR. 

Öll úrslit og spil

Fagnaðarfundir urðu á Heimalandi sl. þriðjudagskvöld, þegar við Rangæingar tókum fram spilin á nýjan leik.    Menn og konur komu auðvitað mis vel undan vetri og engir betur en prestakallarnir sem sýndu lipra takta.   Svifu þeir félagar tindilfættir um salinn, ferskir eftir sumarið, og luku leik með 60,0% skor, sjónarmun á undan Möggunum margreyndu sem luku leik á 58,6% skori.    í 3. sæti urðu svo neftóbakskarlarnir Birgir og Örn með 57,9% skor. 

 Úrslit kvöldsins og spilin má svo sjá hér

Fyrsta mót vetrarins hjá Bridgefélagi Selfoss hófst 3. okt. sl. en mótið nefnist Suðurgarðsmótið. Það mættu 13 pör til leiks, og spiluðu Howell tvímenning, allir við alla með 2 spilum á milli para.

Efstir eru Þröstur Árnason og Ólafur Steinason með 59,6% skor, en á hæla þeirra koma jafnir Anton og Pétur Hartmannssynir ásamt Guðmundir Þór Gunnarssyni og Birni Snorrasyni með 59,2% skor. Síðan koma í 4. sæti Kristján Már Gunnarsson og Vilhjálmur Þór Pálsson með 58,8% skor. Öll úrslit og spilagjöf má finna á þessari síðu.

 

Fystu keppni vetrarins hjá Bridgefélagi Kópavogs er lokið en það var þriggja kvölda monrad þar sem tvö bestu kvöldin giltu til verðlauna. Sigurður Sigurjónsson og Ragnar Björnsson sigruðu nokkuð örugglega með 119,2% samanlagt úr tveimur kvöldum. Öll úrslit má sjá á heimasíðu Bridgefélags Kópavogs.

Birkir Jón og Jón Sigurbjörnsson sigruðu í Hótel Hamar Tvímenningi BR.  hjá BR  60,3% skor.

Sjá nánar á heimasíðu BR

Föstudaginn 27. september sl. var haldinn aðalfundur Bridgefélags Selfoss. Að loknum aðalfundarstörfum og verðlaunaafhendingu fór fram 11 para tvímenningur með 2 spilum á milli para. Úrslitin urðu þau að Kristján Már Gunnarsson og Þröstur Árnason unnu með 60,0% skor. Annars má sjá öll úrslit á þessari síðu hér.

Á fimmtudaginn 3. október hefst 3 kvölda tvímenningur sem heitir Suðurgarðsmótið. Tvö bestu kvöldin gilda til lokastöðu. Skráning fer fram hér á netinu.

 

Björn Halldórsson og Þórir Sigursteinsson eru með nauma forystu eftir tvö kvöld af þremur í Hausttvímenningi Bridgefélags Kópavogs. Í öðru sæti eru feðgarnir Júlíus Snorrason og Eiður Mar Júlíusson og Sigruður Sigurjónsson og Ragnar Björnsson eru þriðju efir að hafa náð 63,1% skori í kvöld. Öll úrslit má sjá á heimasíðu Bridgefélags Kópavogs. 

 

Þriggja kvölda Hausttímenningur Bridgefélags Kópavogs heldur áfram í kvöld, fimmtudagsköld. Þar sem tvö bestu kvöldin gilda til verðlauna þá er opið fyrir ný pör að koma inn og spila síðustu tvö kvöldin. Vitað er um eitt par sem ekki kemur í kvöld svo vel væri þegið ef eitt par kæmi til að forða yfirsetu þetta eina kvöld. Spilaður er Monrad-barómeter, sjö umferðir og fjögur spil í setu.

Spilað er í Gjábakka, Fannborg 8 kl. 19:00

Gunnlaugur Óskarsson og Högni Friðþjófsson unnu seinni einskvölds upphitunartvímening félagsins. Þeir enduðu með 64,4% skor sem var tæp 5% ofar en þær Harpa Fold og Svala sem urðu í 2. sæti. Jafnir í 3. sæti voru Ólafur Þór Jóhannsson, Pétur Sigurðsson, Halldór Svanbergsson og Brynar Jónsson.

Næsta keppni félagsins er 3ja kvölda Gamla vínhús butler tvímenningur.

Gamla vínhúsið veitir glæsileg verðlaun.

Úrslitasíða BH

Hægt er að sjá úrslit og öll spil frá spilakvöldum Bridgefélags eldri borgára í Hafnarfirði á heimasíðu þeirra:

 Heimasíða BFEH

Þar má einnig sjá link á facebook með myndum sem Aðalsteinn Jörgensen tók af spilamennsku félagsins.

Tekin hefur verið ákvörðun um að færa spilakvöldin hjá BS Muninn yfir á fimmtudagskvöld í stað miðvikudaga. Vinsamlegast látið þetta berast til allra félagsmanna.

Alda Guðnadóttir og Stefanía Sigurbjörnsdóttir unnu fyrsta dömukvöld BR með rúmlega 63% skor.  28 pör mættu til leiks og tókst kvöldið einstaklega vel.

Næsta dömukvöld BR er föstudaginn 4. október

Öll úrslit og spil

 

Björn Halldórsson og Þórir Sigursteinsson eru efstir eftir fyrsta kvöld af þremur í Haust-Monrad Bridgefélags Kópavogs. Þeir fengu 60,5% skor en tvö bestu kvöldin gilda til verðlauna. Öll úrslit má sjá á heimasíðu Bridgefélags Kópavogs.

Aðalfundur Bridgefélags Selfoss og nágrennis verður haldinn í Tryggvaskála 27. september nk. kl. 20:00. Dagskrá er hefðbundin aðalfundarstörf, verðlaunaafhending fyrir sl. vetur og síðan verður spilamennska eftir fundinn. Venjuleg fimmtudagsspilamennska byrjar síðan fimmtudaginn 3. október.  

Björn Arnarson og Brynjar Jónsson unnu fyrsta spilakvöld Miðvikudagsklúbbsins.  Þeir enduðu með 64,1%, rétt fyrir ofan Jón Viðar Jónmundsson og Þorvald Pálmason sem urðu að láta sér 2. sætið nægja með 63,5%.  Í 3ja sæti voru Jón Hákon Jónsson og Sigtryggur Jónsson

Úrslitasíða Miðvikudagsklúbbsins

 

Í kvöld hefst fyrsta keppni vetrarins hjá Bridgefélagi Kópavogs og er það þriggja kvölda Monrad-tvímenningur þar sem tvö bestu kvöldin gilda til verðlauna. Spilað er á fimmtudögum kl. 19.00 í Gjábakka, félagsheimili aldraðra að Fannborg 8, á bak við Landsbankann við Hamraborg.

Gamlir og nýir félagar hvattir til að mæta.

Baldur Bjartmarsson og Sigurjón Karlsson unnu fyrsta spilavköld BH. Spilaður var Monrad Barometer og komu þeir sterkir inn á lokasprettinum. Í 2. sæti voru Þorgerður Jónsdóttir og Aðalsteinn Jörgensen og 3ja sæti varð hlutskipti Steinars Hólmsteinssonar og Óla Danivalssonar.

Næsta mánudagskvöld verður spilaður einskvölds monrad barómeter og eru allir spilarar velkomnir.

Mánudaginn þar á eftir hefst 3ja kvölda Gamla vínhúss butler tvímenningur

Úrslit BH

BR er að keyra spilamennsku vetrarins í gang!
Þriggja kvölda tvímenningur Hótel Hamars hefst á morgun, þriðjudaginn 17. september.
Að vanda er spilað í Síðumúla 37 og hefst spilamennska kl. 19
Á heimasíðu BR bridge.is/br má sjá dagskrána í haust og þar verða einnig birt úrslit og bronsstigastaða.

 Sjáumst hress!

 

Vetrarstarf Bridgefélags Kópavogs hófst í kvöld með eins kvölds Howell-tvímenningi. Sigmundur Stefánsson og Hallgrímur Hallgrímsson urðu efstir með 63,2% skor. Öll úrslit má sjá á heimasíðu Bridgefélags Kóðavogs.

Næsta fimmtudag hefst síðan þriggja kvölda Hausttvímenningur þar sem tvö bestu kvöldin gilda til verðlauna.

 

Vertarstarf Bridgefélags Kópavogs hefst fimmtudaginn 12 September kl. 19:00 stundvíslega. Dagskráin fram að jólum er komin á heimasíðuna.

Nýjir félagar velkomnir eins og alltaf.

Dagskrá BR Haustið 2013

Bridgefélag eldri borgara í Hafnarfirði er komið með heimasíðu hjá Bridgesambandi Íslands.

Slóðin er www.bridge.is/bfeh

 

Spilað var á átta borðum í sumarbridge í kvöld. Engu að síður ákaflega gaman hjá þeim flestum. Efstir urðu Brynjar Jónsson og Ingvar Hilmarsson með 61% skor eins og sjá má á heimasíðu Sumarbridge.

Sumarbridge heldur áfram alla mánudaga og miðvikudaga kl. 19:00 að Síðumúla 37.

 

Bræðurnir Árni og Oddur Hannessynir voru í stuði í Sumarbridge í gærkvöldi og voru lengi kvölds með yfir 70% skor en enduðu með 68,8% sem var rúmum 6% meira en næsta par. Þeir eru einnig efstir í bronsstigasöfnunni eins og sjá má á Heimasíðu Sumarbridge.

Landsmót UMFÍ verður haldið 4-6 júlí 2013.  Fullbókað er í mótið.   16 sveitir eru skráðar til leiks  Heimasíða mótsins er hér

Ólafur Þór Jóhannsson og Pétur Sigurðsson voru í rosa stuði og unnu 30 par tvímenning með 66,8% skor. Næstir voru Rúnar Einarsson og Stefán Stefánsson með 60,9 og í 3ja sæti voru Páll Valdimarsson og Baldvin Valdimarsson með 59,3%

Heimasíða Sumarbridge

Staðan í Bill Hughes alheimstvímenningnum á heimsvísu

Kjartan Ásmundsson og Ari Konráðsson sýndu snilldartakta og unnu einskvölds tvímenning í Sumarbridge með 71,4%. Það þarf að fletta býsna langt aftur í sögubækurnar til að finna par sem vinnur með betra skor en þeir gerðu.

Heimasíða Sumarbridge 2013

Leifur Aðalsteinsson og Guðmundur Ágústsson unnu 32 para tvímenning með 65,2% skor.  Jafnir í 2. sæti voru Sigurður Steingrímsson og Kristinn Kristinsson og Brynjar Jónsson og Ingvar Hilmarsson með 56,6%.

 Heimasíða Sumarbridge

Aðalfundur Bridgefélags Kópavogs verður haldinn föstudaginn 24 maí kl. 20:00 að Fjallalind 7, heima hjá Þorsteini Berg.

Dagskrá fundarins 

Guðlaugur Sveinsson og Baldur Bjartmarsson unnu fyrsta spilakvöld Sumarbridge 2013 með 62,2% skor.  Í 2. sæti voru Erla Sigurjónsdóttir og Guðni Ingvarsson með 57,9% og í 3ja sæti Jón Hákon Jónsson og Guðmundur Skúlason með 56,7%.

Heimasíða Sumarbridge 2013

Eðvarð Hallgrímsson og Magnús Sverrisson unnu síðasta spilakvöld Miðvikudagsklúbbsins með 59,8% skor. Halldór Þorvaldsson og Baldur Bjartmarsson enduðu í 2. sæti með 58,8% og í 3ja sæti voru Anna Jónsdóttir og Sigurrós Sigurðardóttir.

Það var dregið í Madeira leiknum og voru allir sem höfðu mætt 8 sinnum eða oftar í spilamennsku eftir áramót í pottinum.

Elín Ásbjörnsdóttir og Hafliði Baldursson voru dregin út og óskar Miðvikudagsklúbburinn þeim góðrar ferðar ef þau ákveða að nýta sér vinninginn!

Úrslit einmenningsins.

1. Jón Baldursson  = 171 stig
2. Ómar Olgeirsson = 170 stig
3. Kjartan Ásmundsson = 169 stig
4. Skúli Skúlason = 168 stig

Sjá nánar á heimasíðu BR

 

Nú um helgina kom góður hópur fólks frá Klakksvík í Færeyjum í helgarferð til Íslands. Klakksvík er gamall vinabær Kópavogs og hafa samskipti bridgefélaga bæjanna staðið yfir allt frá 1968. Í gærkvöldi var spilaður Mitchell tvímenningur á 11 borðum í Síðumúla 37 og þó færeysku pörin hafi ekki verið mörg höfðu þau mjög gaman af enda leikurinn eingöngu til þess gerður. Öll úrslit má sjá á heimasíðu Bridgefélags Kópoavogs. 

102 konur tóku þátt í árshátíð kvenna 2013 sem fór fram á Hótel Grand laugardaginn 4. maí.   Spiluð voru 32 spil og stóðu Anna Ívarsdóttir og Guðrún Óskarsdóttir uppi sem sigurvegarar með 64% skor.   Í 2. sæti voru Bryndís Þorsteinsdóttir og María Haraldsdóttir með 60,7% og í 3ja sæti voru Hjördís Sigurjónsdóttir og Ljósbrá Baldursdóttir með 60,5%.

Öll úrslit og spil

 

Júlíus Snorrason er Bronsstiameistari Bridgefélags Kópavogs veturinn 2012-2013. Sonur hans Eiður er í öðru sæti 20 stigum á eftir sem helgast af því að hann missti af einu spilakvöldi á haustmánuðum en faðirinn lét ekki deigan síga má meðan. Sjá heimasíðu Bridgefélags Kópavogs.

Alls hlutu 93 spilarar bronsstig nú í vetur sem er 30 spilurum fleira en í fyrra sem segir okkur að bæði var þátttakan meiri og breiddin að aukast og Bridgefélag Kópavogs því á réttri leið upp virðingarstigann og vinsældarlistann hjá bridgespilurum.  

 

Síðasta spilakvöld vetrarins hjá Bridgefélagi Kópavogs var spilað í gærkvöldi. Sextán pör spiluðu Mitchell-tvímenning og urðu feðgarnir Júlíus Snorrason og Eiður Mar Júlíusson efstir. Öll úrslit og spilin má sjá á heimasíðu Bridgefélags Kópavogs.

Stjórn Bridgefélag Kópavogs þakkar öllum sem spilað hafa hjá félaginu fyrir frábærar samverustundir í vetur og hlakkar til að sjá ykkur aftur í haust.

Að þrem kvöldum af fjórum lokið, eru Jón Baldursson og Þorlákur með yfirburðaforystu. 

1  Jón Baldursson - Þorlákur Jónsson                983
2  Sigurður Sigurjónsson - Jón Páll Sigurjónsson    854
3  Kjartan Ásmundsson - Stefán Jóhannsson           851

Sjá nánar á heimasíðu BR

 

Síðasta spilakvöld vetrarins hjá Bridgefélagi Kópavogs verður fimmtudaginn 02 maí kl. 19:00. Þá verður spilaður Howell eða Mitchell tvímenningur sem fer eftir borðafjölda. Verðlaun verða fyrir efsta sætið. Spilað er í Gjábakka, félagsheimili aldraðra, Fannborg 8.

Þetta kvöld verður ennig verðlaunaafhending fyrir þau mót sem spiluð voru eftir áramót. Einnig verður krýndur Bronsstigameistari vetrarins.

Aðalfundur Bridgefélags Kópavogs verður haldinn föstudaginn 24 maí kl. 20:00 að Fjallalind 7, heima hjá Þorsteini Berg. Venjuleg aðalfundarstörf.

Sjá auglýsingu hér

 

Hið árlega Davíðsmót fór fram í Tjarnarlundi í Saurbæ í dag. Sautján pör mættu til leiks og spiluðu sjö umferðir eftir monrad, samtals 28 spil. Mótið hófst um hádegisbil með dýrindis kjötsúpu og brauði en síðan hófst spilamennskan sem var síðan stöðvuð um hálf fjögur með kaffi og kökuhlaðborði og síðan spilað til rúmlega fimm. Birna Lárusdóttir og Sturlaugur Eyjólfsson komu þarna í sína heimahaga og leið greinilega mjög vel við spilaborið því þau tóku forystuna strax í upphafi og héldu henni allt til loka. Öll úrslit má sjá hér.

Þriggja kvölda Moradtvímenningi Bridgefélags Kópavogs lauk nú í kvöld með afar naumum sigri þeirra Kristjáns Snorrasonar og Ásmundar Örnólfssonar. Samanlögð prósentuskor kvöldanna þriggja gilti til verðlauna og höfðu Kridtján og Ásmundur um tíma 5 prósentur i forskot á næsta par en gáfu eftir í lokin og enduðu með aðeins 0,1% meira en þeir Ragnar Björnsson og Sigurður Sigurjónsson. Öll úrslit og lokastöðuna má sjá á heimasíðu Bridgefélags Kópavogs.

Síðasta spilakvöld vetrarins verður næsta fimmtudag og verður spilaður eins kvölds Howell-tvímenningur. Allir velkomnir.

Brynjólfur Gestsson og Helgi Hermansson sigruðu í lokamóti briddsfélags Selfoss. Ekki verður spilað meira þennan veturinn á vegum félagsins enda eru menn farnir að snúa sér að vorverkunum. Starfið byrjar svo aftur í september að sumarleyfi loknu.

 Spil og úrslit

Næsta mánudag verður lokakvöld BH, spilaður verður tvímenningur.

Aðalfundurinn verður síðan haldinn í Gamla Vínhúsinu (A-Hansen) föstudaginn 26.04.2013 kl 18:00

Vinsamlegsta tilkynnið þátttöku til Sigurjóns 8420970 eða í mail sigurjon@munus.is

52 konur spiluðu butler einmmenning í afmælismóti Dennu 20. apríl 2013.

Valgerður Kristjónsdóttir sigraði með 74 impa. Í 2. sæti varð Stefanía Sigurbjörnsdóttir með 72 impa og í 3ja sæti varð Hrafnhildur Skúladóttir mmeð 69 impa.

Mótið tókst frábærlega og Aðalsteinn Jörgensen var mættu með myndavélina og má reikna með myndum fljótlega á facebook síðu Bridgesambands Íslands.

spil og staða 1-32

Lokastaðan og spil 33-40

25. til 28 apríl 2013 verða úrslit Íslandsmóts í sveitakeppni haldin í Perlunni.  Spilamennska hefst kl 10:00 alla daga.

Ennþá hafa margar sveitir ekki skilað inn kerfiskortum.  Það er ekki að ástæðulausu að óskað er eftir því að kerfiskortum sé skilað.  Margoft hefur verið kvaratað yfir því að ekki sé aðgengileg kerfiskort para með góðum fyrirvara.  Nú skal reynt að ráða bót á því.

Hér er heimasíða Íslandsmótsins í sveitakeppni 2013.

Hér er að finna kerfiskort allra þeirra para sem hafa skilað inn kerfiskortum.

Bridgespilarar er hvattir til að koma boðum til skila til sveitarforingja um að skila inn kerfiskortum sem allra fyrst.  helst ekki síðar en sunnudaginn 21. apríl 2013

 

Annað kvöldið af þremur í Apríl-Monrad Bridgefélags Kópavogs var spilað í kvöld. Erla Sigurjónsdóttir og Guðni Ingvarsson náðu besta skori kvöldsins með 60,2% skor. Í öðru sæti voru Gísli Tryggvason og Leifur Kristjánsson með 59,2% sem dugði þeim til að ná efsta sætinu samanlagt. Öll úrslit má sjá á heimasíðu Bridgefélags Kópavogs

Hrund Einarsdóttir, Dröfn Guðmundsdóttir, Ásgeir Ásbjörnsson og Hrólfur Hjaltson unnu 2ja kvölda Hraðsveitakeppni BH.  Þau fengu 89 impa í plús. Í 2. sæti varð sveitin Miðvikudagsklúbburinn með 75 impa í plús. Í þeirri sveit spiluðu Guðlaugur Sveinsson, Baldur Bjartmarsson, Sveinn Þorvaldsson, Magnús Sverrisson og Halldór Þorvaldsson. Báðar efstu sveitir fengu rauðvín í verðlaun fyrir árangurinn.

Mánudaginn 22. apríl verður spilaður einskvölds monrad tvímenningur. Veitt verður rauðvín í fyrstu verðlaun.  Þetta er jafnfram síðasta spilakvöld félagsins á þessu tímabili.

Úrslit úr Hraðsveitakeppninni

Svo virðist sem að vor sé hlaupið í briddspilara á Selfossi, þó að það sjáist ekki á hitamælum á Selfossi. Þátttakan í Lokatvímenningnum er í lakara lagi. En efstir eftir eftir fyrra kvöldið eru Brynjólfur og Helgi með nokkuð góða forskot á næsta par.

Lokatvímenningur spil og staða

 

Í kvöld hófst þriggja kvölda Monrad-tvímenningur hjá Bridgefélagi Kópavogs. Heimir Þór Tryggvason og Árni Már Björnsson tóku forystuna með því að fá 60,1% skor á fyrsta kvöldinu af þremur. Öll úrslit má sjá á heimasíðu Bridgefélags Kópoavogs

 

Vetrarstarfi Bridgesambands Austurlands lauk laugardaginn 6. apríl með Austurlandsmóti í sveitakeppni og aðalfundi sambandsins.

Austurlandsmótið fór fram á Egilsstöðum með þátttöku 10 sveita alls staðar úr landsfjórðungnum og víðar að. Langt er síðan þátttaka hefur verið svo góð á mótinu og standa vonir til að þetta mót marki nokkra uppsveiflu í briddslífi hér eystra. Annað sem vísar einnig í þá átt, er að nú hefur einmenningsmót Austurlands fest sig í sessi með Skjöldólfsstaði á Jökuldal sem spilastað og einnig var í vetur fyrsta fyrirtækjamót Austurlands haldið á Stöðvarfirði, sem einnig þótti heppnast mjög vel.

En úrslitin á mótinu urðu eftirfarandi.

Austurlandsmeistarar eru sveit Gistiheimilisins Borgar, en liðsmenn þeirrar sveitar eru Skúli og Bjarni Sveinssynir, Magnús Valgeirsson, Kári B Ásgrímsson og Jón Þór Kristmannsson.

Í öðru sæti urðu Haustaksmenn. Þar léku Pálmi og Stefán Kristmannssynir, Þorsteinn Bergsson, Þorvaldur Hjarðar og Magnús Ásgrímsson.

Í Þriðja sæti lenti svo sveit Vigfúsar Vigfúsarsonar. Með Vigfúsi spiluðu Jóhanna Gísladóttir, Auðbergur Jónsson og Hafsteinn Larsen.

Á aðalfundi BSA sem haldinn var 6. apríl var sú breyting á stjórn að Björn Hafþór Guðmundsson tók við forsetahlutverkinu af Jóni Halldóri Guðmundssyni. Aðrir með þeim í stjórn eru Bjarni Ingvarson, Magnús Valgeirsson og Þorsteinn Bergsson.

Með bridgekveðju að austan.

Jón Halldór Guðmundsson

fráfarandi forseti.

Aðalsveitakeppni BR 2013 er lokið.  Öruggur sigurvegari var sveit Lögfræðistofu Íslands.
í sveitinni spiluðu Jón Baldursson, Þorlákur Jónsson, Sverrir Ármannsson, Steinar Jónsson, Bjarni Einarsson og Aðalsteinn Jörgensen.
Lokastaðan.
1.  Lögfræðistofa Íslands  248 stig
2.  Málning                233 stig
3.  Garðsapótek            212 stig
4-5 Karl Sigurhjártarson   209 stig
4-5 Chile                  209 stig.  

Sjá nánari úrslit á heimasíðu BR

 

Í kvöld var spilaður eins kvölds tvímenningur hjá Bridgefélagi Kópavogs og var spilað á 6 borðum. Kristján Snorrason og Ásmundur Örnólfsson sigruðu nokkuð örugglega með skor uppá 64,8%. Öll úrslit má sjá á heimasíðu Bridgefélags Kópavogs.

Fimmtudaginn 11 apríl hefst þriggja kvölda Monrad-tvímenningur og nóg að mæta og skrá sig. Allir velkomnir. 

Þriðja kvöldið af fjórum fór fram í kvöld í meistaratvímenning á Suðurnesjum. Arnór Ragnarsson og Gunnlaugur Sævarsson áttu risakvöld og náðu þokkalegri forystu í mótinu.

Öll úrslit og staðan í mótinu má sjá á heimasíðu okkar.

Bjarni Einarsson og Aðalsteinn Jörgensen skutust á toppinn á réttu augnabliki og tryggðu sér sigur í árlegu Páskamóti BH 2013,

Þeir enduðu með 57,6%. Í 2. sæti voru Magnús Eiður Magnússon og Sigurjón Helgi Björnsson með 56,5%. Þeir fóru í fyrsta skipti á toppinn í næst-síðustu umferð og virtust vera með hárrétta tímasetningu en réðu svo ekki við Aðalstein og Bjarna.

Það var mikil barátta um 3. sætið og munaði eingöngu 3 stigum á 3. og 6. sætinu.  Jón Ingþórsson og Hlynur Angantýsson enduðu í 3ja sæti.

Öll úrslit og spil

Næsta keppni BH er 2ja kvölda Hraðsveitakeppni sem byrjar mánudaginn 8. apríl .  Allir spilarar eru velkomnir og vert er að taka fram að reiknaður verður út Butler. 

Magnús Sverrisson og Halldór Þorvaldsson unnu tveggja kvölda Páskabutler BH.  Guðlaugur Sveinsson og Baldur Bjartmarsson voru í 2. sæti og í 3ja sæti voru Pétur Sigurðsson og Ólafur Þór Jóhannsson.

Öll spil og úrslit

Myndir frá Páskabutlernum

BH heldur Páskatvímenning föstudaginn langa. Spilamennska byrjar kl. 17:00. Allir eru velkomnir.

Allar upplýsingar um Páskatvímenninginn

Kristján Snorrason og Baldur Bjartmarsson unnu sér inn sitthvort risa páskeggið á spilakvöldi hjá Miðvikudagsklúbbnum.  Í 2. sæti var Runnalaufs-tvíeykið Þórður Þórðarson og Þorvaldur Pálmason og 3ja sætið varð hlutskipti Þorgerðar Jónsdóttur og Aðalsteins Jörgensen.

Árni Indriðason og Pétur Reimarsson voru dregnir út og fengu páskaegg.

Öll úrslit og spil

Fyrsta HSK mótið í bridds fyrir keppendur 67 ára og eldri var haldið í Selinu á Selfossi laugardaginn 16. mars sl. 14 pör tóku þátt og fyrstu HSK meistarar eldri borgara urðu þeir Helgi Guðmundsson og Pétur Skarphéðinsson.

Mótið fór vel fram og skemmtu spilarar sér hið besta í góðum félagsskap. Fólk hafði orð á því að keppnin væri komin til með að vera. Keppendur voru ánægðir með þetta framtak, sem Leif Österby á heiðurinn að, en hann og Svavar Hauksson sáu um undirbúning mótsins. Brynjólfur Gestsson stjórnaði mótinu af festu og myndarskap.

 Efstu pör (smellið á nánar til að fá heildarúrslitin):

Röð	Par	Stig
1.	Helgi Guðmundsson og Pétur Skarphéðinsson	188
2.	Kjartan Kjartansson og Sigfús Skúlason	181
3.	Ásgeir Gestsson og Guðmundur Böðvarsson	180
4.	Elín Kristmundsdóttir og Oddleifur Þorsteinsson	179
5.	Guðrún Einarsdóttir og Hreinn Ragnarsson	168
6.	Karl Gunnlaugsson og Jóhannes Sigmundsson	167

 

 

Páskatvímenningur Breiðfirðingafélagsins var spilaður í kvöld. Spilaður var Monrad-barómeter og mættu 18 pör til leiks. Halldór Þorvaldsson og Magnús Sverrisson tóku forystuna strax í fyrstu umferð og héldu henni til loka. Öll úrslit má sjá hér.

Þegar tveimur kvöldum er lokið af þremur í íslandsbankabarómeter eru Guðmunudur og Björn efstir og þar á eftir kemur keppnisstjórinn knái Vigfús Pálsson og aðstoðarmaður hans Sigurður Vilhjálmsson.

Ekki verður spilað á Skírdag, næst er því spilað fimmtudaginn 4. apríl.

Spil og staða

 

Hraðsveitakeppni Bridgefélags Kópavogs lauk í gærkvöldi. Eiður Mar Júlíusson og sveitungar hans náðu að landa sigri í keppninni þrátt fyrir vera með lægsta skor kvöldsins. Sveit Guðlaugs Bessasonar sótti hart að þeim en urðu að sætta sig við annað sætið með 12 stiga mun. Öllúrslit og lokastöðuna má sjá á heimasíðu Bridgefélags Kópavogs.

Næst er spilað fimmtudaginn fjórða apríl og verður þá spilaður eins kvölds tvímenningur.

Sveinn Stefánsson og Guðmundur Skúlason unnu 34 para tvímenning hjá Miðvikudagsklúbbnum 20. mars.

Þeir voru efstir með 60,4% skor. Næst voru Aðalsteinn Jörgensen og Þorgerður Jónsdóttir með 58,6% og í 3ja sæti voru Arnar R. Birgisson og Daníel Már Sigurðsson með 57,8%.

Öll úrslit og spil

Meistaratvímenningurinn er hálfnaður og spennan í hámarki.  Gunnar Guðbjörnsson og Lárus Óskarsson eru efstir. Næstir koma Grindvíkingarnir Ingvar Guðjónsson og Guðjón Einarsson eftir mjög gott annað kvöld.

Tekin verður pása á mótinu yfir páskana og verður spilaður eins kvölds páskatvímenningur næstan miðvikudag og svo heldur mótið áfram eftir það.  Hvet alla til að mæta í páskatvímenninginn. 

Öll úrslit má sjá hér........

Árshátíð kvenna verður haldin laugardaginn 4.maí á Grand Hotel
Nánari upplýsingar um dagskrána kemur síðar
Upplýsingar og skráning er hjá Svölu svalakp@gmail.com  863-6098
og Denna gormur53@gmail.com  864-2112

Hermann Friðriksson og Halldór Úlfar Halldórsson leiða eftir fyrsta kvöld af 2 í Páska Butler BH. Þeir eru 71 impa í plús. Næstir koma Halldór Þorvaldsson og Magnús Sverrisson með 52 impa og í 3ja sæti eru Guðlaugur Sveinsson og Baldur Bjartmarsson með 51 impa í plús.

Úrslitasíða BH

Suðurlandsmótið í tvímenning verður haldið 23. mars nk. á Heimalandi. Spilað verður um Suðurlandsmeistaratitilinn. Allir velkomnir, en til að verða Suðurlandsmeistari þarf a.m.k. annar spilari parsins að vera skráður í félag á Suðurlandi.

Spilamennska hefst kl. 10:30 og spiluð verða 42-45 spil. Ef þátttaka er mikil verða spilaðar 11 umferðir Monrad með 4 spilum á milli para, en ef þáttaka verður 16 pör eða minna þá verður venjulegur barómeter.

Skráningu lýkur fimmtudagskvöldið 21. febrúar, og skráning er á þessari síðu og hjá Garðari í síma 844 5209 og Sigurði í síma 820 6832. Þeir veita einnig nánari upplýsingar.

Guðmundur og Björn eru með nauma forystu á Hartmansbræður þegar einu spila kvöldi af 3 er lokið hjá briddsfélagi Selfoss. Mótinu verður framhaldið næstkomandi fimmtudag og verða þá spiluð 32 spil. Byrjað verður að spila á slaginu 19:30.

Minni síðand á suðurlandsmótið í tvímenningi sem spilað verður á strönd laugardaginn 23. mars. Hægt er að skrá sig í hann hér

Spil og staða í tvímenningi

 

 

Þriðja kvöldið af fjórum í hraðsveitakeppni Bridgefélags Kópavogs var spilað í gærkvöldi. Eiður Mar Júlíusson og hans sveitungar náðu besta skor kvöldsins, þriðju vikuna í röð, og eru nú með 161 stiga forskot á næstu sveit. Hörð barátta er síðan um næstu sæti þar á eftir. Öll úrslit og stöðu má sjá heimasíðu Bridgefélags Kópavogs  

Unnar Atli Guðmundsson og Ágúst Sigurðsson voru efstir af 29 pörum miðvikudaginn 13. mars hjá Miðvikudagsklúbbnum.  Þeir enduðu með 60,2%. Jöfn í 2. sæti voru pörin Þorgerður Jónsdóttir og Aðalsteinn Jörgensen og Björgvin Már Kristinsson og Guðmundur Snorrason með 58,7%.

Úrslit Miðvikudagsklúbbsins

Vesturlandsmótið í tvímenningi verður haldið á hótel Hamri sunnudaginn 17.mars.

Guðlaugur Sveinsson vann einmenningsmót BH 2013.  Hermann Friðriksson endaði í 2. sæti og svo skemmtilega vildi til að þeir spiluðu í andstöðu við hvorn annann í síðustu umferð og leiddi Hermann þá með 2 stigum.

Guðlaugur vann innbyrðissetuna og tryggði sér titilinn.

Næsta mánudag byrjar 2ja kvölda butler tvímenningur.

 Úrslit og spil úr einmenningnum

Fyrsta HSK mótið í tvímenningi bridds fyrir 67 ára og eldri verður haldið í Selinu á Selfossi á laugardag og hefst kl. 14:00.   Skráningum lauk sl. laugardag og eru 14 pör skráð til leiks. 

Í Kvöld 11.mars verður spilaður Einmenningur, Allir velkomnir :)

Næsta mánudag hefst 2 kvölda páskatvímenningur

 

Hraðsveitakeppni Bridgefélags Kópavogs hélt áfram í gærkvöldi og þegar keppnin er hálfnuð hefur sveit Eiðs Mar Júiussonar tekið góða forystu og er með 102 stigum meira en næsta sveit. Þeir fengu 664 stig á öðru kvöldinu sem jafngilir 61,5% skori. Öll úrslit má sjá á heimasíðu Bridgefélags Kópavogs.

 

Eftir leiðréttingar milli sveita númer 1 og 10 í spilum 13 og 14 í fimmtu og sjöttu umferðum þá lækkaði sveit Gulla Bessa um 20 stig og Freyja og kellurnar hækkuðu jafn mikið. Eiður Mar Júlíusson og félagar eru því með réttu efstir með 591 stig og Bernódus í öðru sæti með 584 stig. Öll úrslit má sjá á heimasíðu Bridgefélags Kópavogs.

Keppni lauk í aðalsveitakeppni Bridgefélags Selfoss 28. febrúar. Leikar enduðu þannig að sveit Guðmundar Þórs sigraði með góðum endaspretti með 147 stig. Í öðru sæti varð sveit Gunnars Þ. og í þriðja sæti varð sveit Antons. Í sveit Guðmundar spiluðu auk hans þau Björn Snorrason, Ingibjörg Harðardóttir, Guðrún Bergmann, Sigfinnur Snorrason og Ríkharður Sverrisson.

Butlerinn vann Garðar Garðarsson með 1,32 impa, en hann spilaði bara 4 leiki. Í 2. sæti varð Guðmundur Þór Gunnarsson með 1,16 (eftir 8 leiki) og í 3. sæti varð Ingibjörg Harðardóttir með 0,82 (eftir 6 leiki).

Hér má finna öll úrslit, lokastöðuna og butlerinn úr öllum leikjum.

Ekki verður spilað fimmtudaginn 4. apríl hjá félaginu, en megnið af spilurum félagsins verða uppteknir við að spila Íslandsmót í sveitakeppni dagana á eftir. Næsta mót verður 3 kvölda tvímenningur, Íslandsbankatvímenningurinn, sem hefst fimmtudaginn 11. apríl. Skráning hjá Garðari í síma 844 5209 og hér á þessari síðu.

Þriðjudaginn 26. febrúar lauk sveitakeppni félagsins.   Sveitakeppnin er þannig upp sett að spilastjóri raðar pörum saman í sveitir með það að markmiði að sveitir verði sem jafnastar.   Ein gestasveit fékk þó að vera með en hún var skipuð fjórum yngissveinum, tveimur frá Selfossi og tveimur úr Rangárþingi ytra.    Svo fór að gestasveitin Góðglaðir gestir unnu með 130 stigum en Jói og jólasveinarnir hans urðu í öðru sæti með 127 stig.   Þar sem góðglaðir voru gestasveit eru Jói og hans menn félagsmeistarar.   í 3. sæti urðu svo Eyji og peyjarnir með 116 stig.    Sveitakeppnin var jöfn og spennandi og fyrir síðstu umferð gátu 4 sveitir af 8 unnið mótið.        Efstir í Butler urðu þeir góðglöðu drengir Brynjólfur Gestsson og Helgi Hermannsson með 1,55 impa skoraða að meðaltali.   Í öðru sæti urðu jólasveinarnir Bergur Pálsson og Friðrik Þórarinsson með 0,66 impa að meðaltali og í 3ja sæti drengirnir Sigurður Skagfjörð og Torfi Jónsson með 0,54 impa að meðaltali.

Við óskum sigurvegurunum innilega til hamingju!!!

 Butlerinn úr fyrri hálfleik má sjá hér og úr þeim seinni hér.    Úrslitin í Butlernum eru svo hér og úrslitin í sveitakeppninni hér.

Næsta þriðjudag spilum við eins kvölds Barómeter með votlegum en notadrjúgum verðlaunum.

Óskar Jónsson og Gunnar Helgi Hálfdánarson unnu einskvölds tvímenning hjá Miðvikudagsklúbbnum með 61,7% skor. Í 2. sæti voru Jón Hákon Jónsson og Sigtryggur Jónsson með 56,7% og 3. sætið varð hlutskipti Eiríks Sigurðssonar og Sigurðar Kristjánssonar.

Úrslitasíða Miðvikudagsklúbbsins

Þeir Gunnar Guðbjörnsson og Jóhannes Sigurðsson komu, sáu og sigruðu í Sveitarokki á Suðurnesjum. Svavar Jensen var með þeim í pari. Þeir leiddu nánast allan tíman og unnu að lokum með 25 impa mun. Næstir á eftir þeim komu þeir Þorgeir Ver Halldórsson og Garðar Þór Garðarsson og Einar Guðmundsson spilaði síðasta kvöldið.

Öll úrslit má sjá hér.    Næstu 4 kvöld æltum við að spila Meistaratvímenning. Allir að mæta

Jón Baldursson og Þorlákur Jónsson unnu sannfærandi sigur í Aðaltvímenning BR. En aldrei hefur verið minni munur í baráttunni um annað sætið. Aðeins skildu 1,4 stig milli 2 og 5 sætis. Lokastaðan.

1. Jón Baldursson - Þorlákur Jónsson 2224,8
2. Guðmundur Snorrason - Sveinn Rúnar Eiríksson 2177,3
3. Gunnlaugur Karlsson - Kjartan Ingvarsson 2177,2
4. Stefán Jóhannsson - Kjartan Ásmundsson 2176,8
5. Hrólfur Hjaltason - Oddur Hjaltason 2175,9

Sjá nánar á heimasíðu BR

Ísak Örn Sigurðsson og Stefán Jónsson/Vignir Hauksson leiða Aðaltvímenning BH þegar 3 kvöld eru búin af 4.  Þeir eru með 60,6%. Í 2. sæti eru Hlynur Angantýsson og Helga Bergmann/Guðný Guðjónsdóttir með 57,6% og í 3ja sæti Halldór Þorvaldsson og Magnús Sverrisson með sama prósentuskor.

Öll úrslit og spil

 

Næsta keppni hjá Bridgefélagi Kópavogs er fjögurra kvölda Hraðsveitakeppni sem hefst næsta fimmtudag. Skráning hjá Hjálmari s. 898-3181 og Þórði s. 862-1794. Hér má sjá skráningarlista.

Nú eru 6 leikir af 8 búnir í aðalsveitakeppni Bridgefélags Selfoss. Spilaðir eru 2 14 spila leikir á kvöldi.

Efstir í mótinu er sveit Gunnars Þ. með 122 stig, en hana skipa Gunnar Þórðarson, Garðar Garðarsson, Gísli Hauksson, Magnús Guðmundsson og Ríkharður Sverrisson. Í öðru til þriðja sæti eru síðan sveitir Guðmundar Þórs og Antons 101 stig.

 

Efstur í butler er Garðar Garðarsson er með 1,32 impa eftir 56, í öðru sæti eru Magnús Guðmundsson og Gísli Hauksson, báðir með 1,05 impa eftir 84 spil  og í þriðja sæti er Gunnar Þórðarson með 0,96 impa eftir 56 spil spil.

 

 Nánar um mótið, úrslit leikja, spilagjöf og butlerútreikning má finna á þessari síðu. Athugið að það getur þurft að ýta á Refresh (F5) á síðunum til að sjá uppfærð úrslit (6 leikir búnir en ekki 4).

 

Sjöunda og síðasta umferðin í tölfuröðinni verður spiluð fimmtudaginn 28. febrúar og síðan verður dregin ein umferð af handahófi og mæta menn þá þeim andstæðingum aftur  í áttundu umferðinni.

 

Fjórða og síðasta kvöldið í Aðaltvímenningi Bridgefélags Kópavogs var spilað í kvöld. Kristján B Snorrason og Ásmundur K Örnólfsson náðu besta skori kvöldsins með 63,6% sem dugði þeim í efsta sætið samanlagt og eru þeir þvi Kópavogsmeistarar í tvímenningi 2013. Gísli Tryggvason og Leifur Kristjánsson urðu að sætta sig við annað sætið eftir að hafa leitt mótið lengst af. Öll úrslit má sjá á heimasíðu Bridgefélags Kópavogs

Næsta keppni er hraðsveitakeppni og hefst hún fimmtudaginn 28 febrúar. Skráning hjá Hjálmari s. 898-3181 og Þórði s. 862-1794

23 pör spiluðu einskvölds tvímenning.  Halldór Þorvaldsson og Baldur Bjartmarsson unnu með 61,4%.  Næstir voru Guðmundur Skúlason og Þorsteinn Guðbjörnsson mðe 60,4%.

Öll úrslit og spil

žriðjudaginn 19. febrúar var 6. umferð sveitakeppninnar, af 7, leikin.     Og ekki minnkaði spennan.  Góðglaðir gestir hafa nú tekið gleði sína á ný, enda tylltu þér sér á toppinn með því að leggja Drengina og dísina að velli.   Þeir eru nú með 105 stig, þremur stigum á undan Jóa og jólasveinunum sem eru með 102 stig.    Eyji og peyjarnir eru svo í þriðja sæti með 101 stig.    Þessar þrjár sveitir munu trúlega slást um sigurinn í keppninni í lokaumferðinni, þó ekki sé hægt að útiloka að Diddarnir og daman blandi sér í leikinn en sú sveit er nú í 4. sæti með 95 stig.   Aðrir eru með minna og einhverjir talsvert mikið minna.

Butlerinn úr fyrri hálfleik má sjá hér og úr þeim seinni hér.    Heildarstaðan í Butlernum er svo hér og staðan í sveitakeppninni hér.

Gaman er að segja frá því að 11 þátttakendur eru nú á bridgenámskeiði fyrir byrjendur, sem Bridgefélagið heldur í samvinnu við Fræðslunet Suðurlands.   6 þessara nemenda mættu á spilakvöldíð í gær og spiluðu sömu spil og keppendur.   Við bjóðum þessa verðandi félaga okkar velkomna og hlökkum til að fá þá til okkar á næsta kvöldi.

Af einhverjum ástæðum þá rofnaði allt netsamband í gærkvöldi, svo ekki var hægt að senda úrslit kvöldsins á netið.  Vonandi lagast þetta fyrir kvöldið

Ísak Örn Sigurðsson og Stefán Jónsson skutust á toppinn eftir 2 kvöld af 4 í Aðaltvímenning BH 2013.

Þeir félagar voru með hæsta skor kvöldins, 66%.  Helga og Hlynur voru í 2. sæti yfir kvöldið með 56% og Ólafur og Pétur í 3ja sæti með 55,7%

Öll úrslit og spil er að finna á úrslitasíðu BH

Að sjálfsögðu skipuðu sér spilarar úr BH í efstur sætin

Svala næstum því BH ingur allavega spilar alltaf hjá okkur sigraði með glæsibrag

Unga daman Erla klikkaði ekki og tók annað sætið, og sýndi það að hún er í hörku formi núna

og svo Hrund Einarsdóttir endaði í 4 sæti

Það má fylgja með haminguóskir til drengjanna en ég held að þeir hafi verið meira til ógagns en gagns. :)

Til hamingju stúlkur, þið eruð BH til sóma

Nú er keppni hálfnuð í aðalsveitakeppni Bridgefélags Selfoss. Spilaðir eru 2 14 spila leikir á kvöldi.

Efstir í mótinu er sveit Gunnars Þ. með 84 stig, en hana skipa Gunnar Þórðarson, Garðar Garðarsson, Gísli Hauksson, Magnús Guðmundsson og Ríkharður Sverrisson. Í öðru sæti er síðan sveit Ólafs með 76  stig, og sveit Antons í þriðja með 67 stig.

Efstur í butler er Gunnar Þórðarson með 1,71 eftir 28 spil og annar er Garðar Garðarsson er með 1,32 eftir 56 spil.

 Nánar um mótið, úrslit leikja, spilagjöf og butlerútreikning má finna á þessari síðu. Athugið að það getur þurft að ýta á Refresh (F5) á síðunum til að sjá uppfærð úrslit (4 leikir búnir en ekki 2).

Næstu 2 umferðir verða spilaðar fimmtudagskvöldið 21. febrúar.

 

Þriðja kvöldið af fjórum í Aðaltvímenningi Bridgefélags Kópavogs var spilað í kvöld og hefur staðan á toppnum jafnast mikið og nú eru forystusauðirnir Gísli Tryggvason og Leifur Kristjánsson með aðeins 56,1% skor. Í kvöld náðu Jón Páll og Guðmundur besta skorinu með 62,3%  og Heimir og Árni Már voru með 61,1%. Öll úrslit má sjá á heimasíðu Bridgefélags Kóavogs.

Keppninni lýkur næsta fimmtudag en þann 28 febrúar hefst svo hraðsveitakeppni.

Þétt er á toppnum hjá BR.  Helgi Jónsson og Helgi Sigurðsson hafa forystu þegar mótið er hálfnað.

Sjá nánar á heimasíðu BR

Halldór Þorvaldsson og Magnús Sverrisson eru efstir eftir 1. kvöld í Aðaltvímenning BH 2013.  Þeir eru með 62,3% og í 2. sæti eru Svala Pálsdóttir og Garðar Garðarsson með 61,8%. Í 3ja sæti eru Friðþjófur Einarsson og Guðbrandur Sigurbergsson með 58,3%.

Öll úrslit og spil

 

Reykjanesmótið í sveitakeppni fór fram nú um helgina að Gullsmára 13 í Kópavogi. Tíu sveitir keppu um sjö sæti í Undanúrslitum Íslandsmótsins auk þess sem Reykjanes á fyrstu varasveit sem fyllir upp í sætið sm Reykjavík notaði ekki. Sex sveitir voru síðan löglega skipaðar til að berjast um titilinn Reykjanesmeistari 2013.

Reykjanesmeistarar árið 2013 er sveit Vina úr Kópavogi með 136 stig en GSE úr Hfnafirði varð í öðru sæti með 133 stig og Bólsturverk með 122 og hafði betur í innbyrðis viðureign við sveit Bernódusar.

Garðs Apótek vann hinsvegar Reykljanesmótið, undankeppni íslandsmótsins, eftir harða keppni við Sigtrygg vann sem vann þó ekki nema einn af síðustu fjórum leikjunum. Öll úrslit má sjá á heimasíðu Bridgesamband Reykjaness

Suðurlandsmótið í sveitakeppni var spilað í Tryggvaskála á Selfossi nú um helgina. Átta sveitir tóku þátt í mótinu, og var keppnisstjóri Vigfús Pálsson. Suðurlandsmeistari varð sveit MS Selfossi með 141 stig, í öðru sæti varð Tryggvaskálasveitin með 137 stig og í þriðja sæti varð sveit Gísla og Hásetanna með 122 stig. Í sveit MS Selfossi spiluðu Garðar Garðarsson, Gunnar Þórðarson, Anton Hartmannsson, Pétur Hartmannsson, Stefán Garðarsson og Sigurjón Karlsson.

Efstir í butler urðu bræðurnir Anton og Pétur Hartmannssynir með 1,25, í öðru sæti urðu Kristján Már Gunnarsson og Þröstur Árnason með 1,18 og í þriðja sæti varð Vilhjálmur Þór Pálsson með 1,14. Þeir þrír síðasttöldu voru allir úr Tryggvaskálasveitinni. Af sveitunum 8 sem kepptu voru 4 að spila um rétt til að fara á Íslandsmótið í sveitakeppni og þar sem Suðurland átti einmit 4 sæti þá komust þær allar áfram. Þessar sveitir voru MS Selfossi, TM Selfossi, Billarnir og Sunnan 5.

Nánar má finna um öll úrslit mótsins ásamt butler og spilagjöf  á þessari síðu hér .

 

Reykjanesmótið í sveitakeppni fer fram nú um helgina í Gullsmára 13 í Kópavogi. Tíu sveitir keppa um sjö sæti í Undanúrslitum Íslandsmótsins sem spiluð verða helgina 8-10 mars. Sigtryggur Sigurðsason og félagar hafa 15 stiga forystu eftir fjórar umferðir af níu. Úrslitin má sjá hér  og á heimasíðu Bridgesambands Reykjaness

 

Þegar búið er að spila tvö kvöld af fjórum í Aðaltvímenningi Bridgefélags Kópavogs hafa Gísli Tryggvason og Leifur Kristjánsson  forystu með 60,1% skor og hafa hátt í þriggja prósenta forskot á Hjördísi Sigurjónsdóttur og Kristján Blöndal. Besta skori kvöldsins náðu hinsvegar Hallgrímur Hallgrímsson og Sigmundur Stefánsson með 61,5%. Öll úrslit má sjá á heimasíðu Bridgefélags Kópavogs

 

Reykjanesmótið í sveitakeppni fer fram helgina 9-10 febrúar í Gullsmára, félagsheimili aldraðra, beint vestur af Smáralind (sami spilastaður og á afmælismóti BK).

Mótið hefst kl. 11:00 á laugardeginum. Spiluð verða a.m.k. 120 spil og spilað um 7 sæti í undanúrslitum Íslandsmótsins. Þátttökugjald er 20.000,- á sveit. Skráning hjá Erlu s. 659-3013, Garðari s. 893-2974 og Lofti s. 897-0881. Skráningu lýkur fimmtudagskvöldið 7 febrúar kl. 22:00.

Sveitir og nöfn spilara þarf síðan að senda á thorduring@gmail.com

                           Skráningarlisti  

BÓ var með 232 stig í 11 umferðum sem er rúmlega 20 stig í leik.  Sveitir Gabríels Gíslasonar og Svölu Pálsdóttir voru jafnar í 2. sæti með 192 stig. Sveit Svölu endar í 2. sæti því hún vann innbyrðisviðureignina.

Öll úrslit, spil og butler er að finná á heimasíðu BH

Að sveitakeppninni lokinni var spilaður 16 spila monrad-tvímenningur. Sigurjón Karlsson og Baldur Bjartmarsson unnu hann með 63,3% skor.

Næsta keppni félagsins er Aðaltvímenningur. Reiknað er með að hann standi í 3 kvöld.

Bridgesamband Suðurlands heldur Suðurlandsmótið í sveitakeppni helgina 9. - 10. febrúar 2013. Spilamennska hefst kl. 10:00 báða dagana. Spilað verður um 4 sæti á Íslandsmóti, auk Suðurlandsmeistaratitilsins. Allir velkomnir, en til að verða Suðurlandsmeistari þarf sveitin að innihalda meirihluta spilara skráða í félög á Suðurlandi. Spilað verður í Tryggvaskála á Selfossi og verður keppnisstjóri Vigfús Pálsson. Þátttökugjald verður 25.000 kr. á sveit. Skráning fór fram á þessari síðu. Skráningarfrestur rann út miðvikudagskvöldið 6. febrúar.

Heimasíða mótsins er hér 

Þess má geta að bridgenefnd HSK hefur ákveðið að Suðurlandsmeistarar 2013 hafi forgang í vali á annari sveit HSK á Landsmóti UMFÍ, sem verður haldið á Selfossi 4.-7. júlí í sumar. HSK mun senda 2 sveitir á mótið eins og heimilt er.

Nánari upplýsingar: Ólafur Steinason í síma 898 2880 eða með tölvupósti ost@ms.is, eða Garðar Garðarsson í síma 844 5209.

Guðjón Einarsson og Vilhjálmur stóðu uppi sem sigurvegarar í þriggjakvölda butler sem lauk fimmtudaginn 31.janúar. Næsta mót félagsins er sveitakeppni, þar sem Garðar formaður skipar mönnum í sveitir og sér til þess að menn mæti.

 Spil og úrslit

 

Aðaltvímenningur Bridgefélags Kópavogs hófst í kvöld þegar spilað var fyrsta kvöldið af fjórum. Bernódus Kristinsson og Ingvaldur Gústafsson náðu flgúgandi starti því þeir eru með 70% skor eftir fimm umferðir af 23 í mótinu öllu. Öll úrslit má sjá á heimasíðu Bridgefélags Kópavogs

 

Aðaltvímenningur Bridgefélags Kóopavogs hefst kl. 19:00 í kvöld. Þeir sem ekki hafa skráð sig fyrirfram eru beðnir um að mæta tímanlega í kvöld og skrá sig þannig að vel gangi að byrja mótið. Spilaður verður fjögurra kvölda Barómeter; Allir við alla.

Í janúar var spilað á 14 borðum og við bíðum spennt eftir að sjá hvort við bætum það met.

Guðrún Jörgensen og Björn Arnarson unnu einskvölds tvímenning hjá Miðvikudagsklúbbnum með glæsilegu skori, 64,3%.  Næst voru Soffía Daníelsdóttir og Óli Björn Gunnarsson með 57,9% og í 3ja sæti voru Ásgeir Yngvi Jónsson og Siguðrur G. Ólafsson með 56,4%.

Heimasíða Miðvikudagsklúbbsins

 

Aðaltvímenningur Bridgefélags Kópavogs hefst næsta fimmtudag, 31 janúar. Spilaður verður fjögurra kvölda barómeter, allir við alla. Spiluð verða á bilinu 25-30 spil hvert kvöld en það fer eftir fjölda para og fjölda umferða.

Þau pör sem eru ákveðin í að taka þátt eru beðin um að skrá sig sem fyrst þannig að fjöldi para verði ljós. Skráning hjá Hjálmari s. 898-3181 og Þórði s. 862-1794

Spilað er í Gjábakka, félagsheimili aldraðra að Fannborg 8 og byrjað kl. 19:00

Næsta miðvikudagskvöld munum við spila ca 5 kvölda sveitarokk (Aðalsveitakeppni) Barometer. Stefnum að því að vera með 10 borð svo ég hvet alla til að mæta. Heitt á könnunni og aldrei að vita nema einhver næring verði í boði.

Úrslit og spil má sjá hér á heimasíðu BS Muninn.

Til hamingju Erla og sveitafélagar

Spilakvöld Miðvikudagsklúbbsins verður á Hótel Reykjavík Natura (fyrrum Hótel Loftleiðir) miðvikudaginn 23. janúar. Það verður spilað samhliða Stjörnutvímenningnum á Bridgehátíð.

1. verðlaun er keppnisgjald í tvímenninginn á Bridgehátíð 2013!!

Spilamennska byrjar kl 19:00

 Allir spilarar velkomnir

 

Sveit BÓ (Björgvin Már, Sverrir, Ísak, Vignir, Stefán) er með 41 stiga forystu þegar 1 umferð er eftir af Aðalsveitakeppni félagsins. Þeir unnu fullnaðarsigur gegn sveit Svölu Pálsdóttur sem var í 2. sæti fyrir næststsíðustu umferð.

Mánudaginn 28. janúar verður frí hjá félaginu vegna mikils álags á Bridgehátíð

Siðasta umferðin verður spiluð 4. febrúar og verður boðið upp á stuttan tvímenning seinni helming kvöldsins fyrir þá sem vilja

Úrslit og staða

Janúarbutler Briddsfélags Selfoss hélt áfram fimmtudaginn 17. janúar. Miklar sviptingar urðu á toppnum og eru komnir nýjir menn á toppin og hefur staðan jafnast töluvert. Þannig að það er allt opið fyrir síðasta kvöldið í þessu móti. En stöðuna má sjá hér fyrir neðan. Einnig var mikið um leiðréttingar á skori á fyrsta kvöldinu og eru úrslitin frá því einnig hér fyrir neðan.

Ekki verður spilað fimmtudaginn 24.janúar vegna briddshátíðar en næst verður spilað fimmtudaginn 31.janúar á Selfossi

Spil og staða 2.kvöld

Leiðrétt skor 1.kvöld

Sveit Lögfræðistofu Íslands er Reykjavíkurmeistarar í sveitakeppni 2013
Í sveitinni spiluðu Jón Baldursson, Þorlákur Jónsson, Bjarni H Einarsson, Aðalsteinn Jörgensen, Steinar Jónsson og Sverrir Ármannsson
Lokastaðan er...

1. Lögfræðistofa Íslands 262 stig
2. Karl Sigurhjartarson 251 stig
3. Grant Thornton 242 stig

Nánari úrslit er að sjá á heimasíðu mótsins

 

Nú er lokið þriggja kvölda Monradtvímenningi hjá Bridgefélagi Kópavogs. 28 pör háðu bráðskemmtilega keppni og var hart barist um verðlaunasætin síðasta kvöldið. Jón Páll Sigurjónsson og Guðmundur Pálsson höfðu ríflega 7 prósenta forystu og gátu leyft sér að vera í sautjánda sæti síðasta kvöldið en unnu samt. Freyja Sveinsdóttir og Elín Jóhannsdóttir sem hófu að mæta aftur í haust eftir nokkurra ára hlé gerðu sé lítið fyrir og tóku annað sætið samanlagt. Öll úrslit má sjá á heimasíðu Bridgefélags Kópavogs.

Ekki er spilað næsta fimmudag vegna Bridgehátíðar en Aðaltvímenningur hefst fimmtudaginn 31 janúar. Skráning er hjá Hjálmari s. 898-3181 og einnig í thorduring@gmail.com

Þriggja kvölda butler tvímenningur hófst hjá Briddsfélagi Selfoss síðast liðið fimmtudagskvöld. Þátttakan er nokkuð góð eða 15 pör.

Vegna tækniörðuleika í síðustu 2 umferðunum eru úrslitin óstaðfest og eru menn beðnir um að fara vel yfir sína skor og sjá hvort síðustu tvær umferðirnar eru ekki rétt skráðar.

En skv þessum óstaðfestu úrslitum eru Guðjón og Vilhjálmur langbestir og er það verðugt verkefni að ná þeim, en það er nóg eftir.

Staðan í mótinu

 

Þriggja kvölda Monrad-tvímenningur hélt áfram hjá Bridgefélagi Kópavogs í kvöld. Jón Páll Sigurjónsson og Guðmundur Pálsson áttu besta skor kvöldsins og tóku einnig afgerandi forystu samanlagt. Öll úrslit og stöður má sjá á heimasíðu Bridgefélags Kópavogs.

Síðasta kvöldið verður síðan spilað næsta fimmtudag. 

 Reykjanessmót í sveitakeppni verður haldið helgina 09.-10. febrúar 2013
Spilað verður í Gullsmára, félagsheimili aldraðra í Kópavogi.
Spilamennska hefst kl. 11.oo á laugardeginum.
Keppnisgjald verður sama og í fyrra, 20.000 kr á sveit.

Skráning hjá : Erlu s: 659 3013, Garðari s: 893 2974 og Lofti s: 897 0881.

Sveit BÓ hefur 22 stiga forystu á 2. sætið eftir 6 umferðir af 11 með 129 stig.  Sveitir Svölu Pálsdóttur og Miðvikudagsklúbbsins eru í 2. og 3ja sæti með 19 og 107 stig.

Stöðu, butler og spilagjöf er að finna á rslitasíðu BH.

HSK mótið í tvímenningi var haldið í Tryggvaskála á Selfossi fimmtudaginn 3. janúar sl. Í mótinu tóku 20 pör þátt og spiluðu11 umferðir með 4 spilum á milli para, Monrad röðun, alls 44 spil. Eins og vera ber þá var ungmennafélagsandinn í hávegum hafður. Sigurvegarar urðu Runólfur Þór Jónsson og Hrannar Erlingsson með 59,2% skor. Þeir eru hér ásamt Garðari Garðarssyni sem afhenti verðlaunin:

Nánar um úrslitin, öll spil og skor fyrir þau ásamt persónulegu skorblaði fyrir öll pör og fleiri myndum má finna á þessari síðu hér.

Næsta mót hjá félaginu er 3 kvölda butler-tvímenningur, sem verður spilaður 10. 17. og 31. janúar, og er skráning í hann hér á þessari síðu.

 

Bridgeárið 2013 byrjar með miklum látum hjá Bridgefélagi Kópavogs því 28 pör mættu í þriggja kvölda Monrad-barómeter sem hófst nú í kvöld. Gísli Tryggvason og Leifur Kristjánsson hefja nýja árið eins og þeir luku því síðasta, með ríflega 60% skori í efsta sætinu. Keppnin heldur áfram næstu tvo fimmtudaga en öll úrslit má sjá á heimasíðu Bridgefélags Kópavogs

Bridgehátíð Vesturlands 2013 er haldin að Hótel Hamri þetta sinn.  Allt stefnir í mikla þáttöku.  Vel yfir 100 spilarar í sveitakeppninni.  Heimasíða mótsins er hér

Bridgehátíð Borgarness verður helgina 5.-6. janúar. 

Starfsemi Bridgefélags Kópavogs hefst aftur eftir jólafrí þann 03 janúar kl. 19:00 með þriggja kvölda Monrad-tvímenningi.

Spilað er í Gjábakka, félagsheimili aldraðra að Fannborg 8, aftan við Landsbankann við Hamraborg.

Sjá heimasíðu Bridgefélags Kópavogs