Beint ß lei­arkerfi vefsins
Merki Bridgesambands ═slands - Fara ß forsÝ­u

FÚl÷g

10.12.2014

RangŠingar --- "Sřslumannsfr˙in var sein Ý gang"

Sl. þriðjudagskvöld komu menn og konur úr Rangárþingi saman að Heimalandi, heimavelli okkar Rangæinga, til að leika 5. og síðustu umferð í BUTLER-keppni félagsins.    15 pör mættu til leiks og spiluðu að vanda 28 spil í 7 umferðum með Monrad fyrirkomullagi.

Kær vinur okkar og bróðir í spilum, Sigurður Jakob Jónsson, er óðalsbóndi í Varmahlíð undir Eyjafjöllum.   Í hjáverkum gegnir hann stöðu Sýslumannsfrúar í Vík í Mýrdal og er um þessar mundir að bæta á sig fleiri verkefnum, því frá næstu áramótum verður hann Sýslumannsfrú á Suðurlandi.  Þar sem sjaldan er messað á þriðjudögum henta þeir dagar nafna einkar vel til spilamennsku og spilar hann við fóstbróður sinn, Sigurjón Pálsson frá Steinum.   Þeir fóstbræður fóru mikinn sl.þriðjudag.   Fóru hægt af stað en þegar á skriðið var komið urðu engin pör þeim nein fyrirstaða.   Enduðu með 497 impa skoraða (imps across the field).  Magnús Halldórsson, hirðskáld félagsins og siðameistari, tók vel eftir þessu og varð að orði:

Sigurjón rann vítt um vang

og virtist þá heldur skrýtið,

hvað sýslumannsfrúin var sein í gang

en síðan var höktið lítið!á

Næstir inn urðu verkfræðingarnir Runólfur og Óli Jón með 194,8 impa á bakinu.  Þriðju í mark komu svo íhaldspungarnir Sigurður og Torfi með 160 impa í handraðanum.á

Glöggir menn, og jafnvel einstaka kona, hafa tekið eftir slæmu gengi nafnanna Halldórssonar og Bjarnasonar undanfarið og velt fyrir sér hvað veldur.  Báðir eru að vísu farnir að reskjast nokkuð en hafa þó enn fótaferð og klæðast að mestu sjálfir.   Halldórsson varð sextugur á dögunum og töldu einhverjir að aldurinn gæti verið farinn að há honum nokkuð við spilaborðið, einkum meintur þvagleki.   Nafni hans Bjarnason, sem kominn er yfir sjötugt, hughreysti nafna sinn:á

Ůó fatan leki, þá samt vil.
■ínum létta á kvíða
■ú ert ungur þangað til
■ig langar ekki að.............sinna þínum áhugamálum
á!!!!

┌rslit og spil kvöldsins má sjá hér

Lokastöðuna í BUTLERnum (að öllum kvöldum meðtöldum) má svo sjááhér.   Hins vegar leggja pörin af sér lakasta kvöldið og að því athuguðu eru úrslitin þessi:

1.  Sigurður - Torfi                    871

2. Eyþór - Björn                        841

3. Friðrik - Bergur                     528


Vi­bur­adagatal


Hverjir spila Ý dag


OlÝs

Slˇ­:

FÚl÷g

Myndir


Auglřsing