Beint á leiđarkerfi vefsins
Merki Bridgesambands Íslands - Fara á forsíđu

Félög

8.4.2015

Rangćingar -- "...aldrei segja prestar pass"

Sl. þriðjudag settust menn, og báðar stelpurnar, að spilum á Heimalandi og léku 4. og næstsíðustu umferð í Samverkstvímenningnum.  Til leiks mættu 14 pör.   Eftir dapurt gengi í vetur og krísufund í dymbilvikunni þar sem orsaka eyðimerkurgöngunnar var leitað, hafa prestakallarnir farið mikinn, enda fannst bilun í sagnkerfinu.   Þeir unnu í gærkvöldi næsta örugglega með 61,0% skori.  Næstir í mark urðu þeir vinir og fóstbræður Sigurður sýslumannsfrú og Sigurjón með 57,7% skor, enda hvergi veikur hlekkur í sagnkerfinu hjá þeim (1 lauf - 3 grönd).   Þriðju í mark urðu svo flokksbræðurnir og nafnarnir Magnús yngri og Magnús eldri með 55,1% skor.   Aðrir hafa ekki enn fundið veilurnar í sínu sagnkerfi og enduðu því neðar í töflunni.

Páskamót félagsins (Krappamótið) var svo spilað þriðjudaginn 31. mars sl.   Til leiks mættu 13 pör og börðust um fjölda páskaeggja, enda veitt verðlaun í hinum ýmsu flokkum.   Glataði sonurinn snéri heim, nú í fylgd með fullorðnum.  Þeir drengir gerðu góða ferð austur yfir Þjórsá og náðu efsta sætinu með 64,6% skor, sjónarmun á undan prestaköllunum, sem urðu í 2. sæti með 64,3% skor. "Yfirsetan bjargaði okkur, kallinn hafði gott af hvíldinni eftir ferðalagið, enda sofnaði hann ekkert í bílnum" sagði Helgi kátur að leikslokum og braut sér mola af páskaegginu.   Þriðju í mark urðu svo öðlingarnir Örn og Runólfur með 56,8% skor.   Um skor annara skal ekki fjölyrt en alltaf er nú notalegt að spila sig inn í yfirsetu!

Skáldið sá prestakallana lyfta verðlaunum og bæði kvöldin og mælti í gærkvöldi:  

Ţaðan drógu þyngsta hlass,

ţá mun ekkert buga.

Ţví aldrei segja prestar pass

og prestaköllin duga!

 

Úrslitin og spilin frá í gær má sjá hér og stöðuna í Samverkstvímenningnum eftir 4 kvöld hér

Úrslitin og spilin úr páskamótinu (Krappamótið) má sjá hér


Viđburđadagatal


Hverjir spila í dag

Skoða alla daga

Bridgefélag Reykjavíkur.   Síðumúla 37.  Byrjar kl 19:00
Bf. Akureyrar, Skipagata 14, 4.hæð kl. 19:30
Bridgefélag Rangæinga, Heimalandi, kl. 19:30
Bf. Hrunamanna, Flúðir kl. 20:00


Olís

Slóđ:

Félög

Myndir


Auglýsing