Beint á leiđarkerfi vefsins
Merki Bridgesambands Íslands - Fara á forsíđu

Félög

11.4.2019

Rangćingar -- Magabelti

Sl. þriðjudag héldum við ölhátíð á Heimalandi.  Gjaldkerinn dró upp veskið og keypti 50 bjóra, sem deilt var út með jafnrétti, bræðralag og náungakærleika að leiðarljósi.  Allir fengu verðlaun, sumir fyrir mætinguna eina, aðrir fyrir betri tölur en hinir.   Fólkið með fallegu tölurnar fékk aðeins meira en meðal Jóninn í sinn hlut, sem er að vísu fremur í anda hægri stefnu um verðskuldaða umbun falllega fólksins á kostnað hinna.  

Sigurvegar kvöldsins voru hestamennirnir fótnettu, Jói og Tommi með 65,2%.    "Allt annað að sjá karlinn í magabeltinu" sagði Tommi.  "Hann kveikti líka aðeins í mér með því".  Eins og fram kom í síðasta hefti mega þessir knáu kappar, sem eitt sinn voru svo léttfættir og tígullegir, muna sinn tígul fegri.   Jói dró því fram magabeltið og aðhaldsbolinn og reyndist honum happadrjúgt að skrýðast þeim þjóðlega búningi við borðið.  Eftir var tekið.   Næstir inn, lítið lögulegri þó, komu tindilfættir Bjössi og Eyþór með 60,7% skor.  "Slæmur í 'onum" sagði Eyþór og strauk ökklann.    Séra Svavar og dr. Svavar komu svo þriðju með 58,6% skor.   "Of mikið tóbak í koníakinu í kvöld nafni", sagði Svavar.

"Heyrðu.  Ónákvæmt spilað skipstjóri sæll" sagði slátrarinn.  "Misstum Tottenhamsætið í Varmahlíð".  Skrásetjari tekur undir þetta.  Það er óvandað að lenda í sléttum 50% þegar Tottenhamsætið, hæsta skor neðan við 50%, gefur aukabjór.      

Heiðurssætið og þar með aukabjór, náðu Einar og Kristján.  "Ánægður með kvöldið" sagði Stjáni.  Við spiluðum jafnt með stefnu á tvo bjóra og mér fannst þetta aldrei í hættur".

Nk. þriðjudag spilum við páskabarómeter, sem er við hæfi um þetta leyti.  Páskaegg í verðlaun.

Úrslit og spil má sjá hér


Viđburđadagatal


Hverjir spila í dag

Bf. Kópavogs Spilamennska hefst kl. 19:00 ,Spilað er í Gjabakka, Fannborg 8. 1.hæð
Bf. Selfoss kl. 19:30 - Selið, Íþróttavallarsvæði
Bf. Akraness  kl. 19:30 - Kirkjubraut 40

Skoða alla daga


Olís

Slóđ:

Félög

Myndir


Auglýsing