Jón Baldursson og Þorlákur Jónsson byrjuðu mótið ekki vel því þeir voru neðstir eftir 1. umferð. Þeir bitu í skjaldarrendurnar og voru komnir á toppinn eftir 5 umferðir. Þeir létu forystuna aldrei af hendi eftir það og voru með örugga forystu allt mótið.

Til hamingju Jón og Þorlákur!

Heimasíða Íslandsmótsins í Butler tvímenning 2007

Íslandsmótið í Parasveitakeppni var haldið síðasliðna  helgi með þáttöku 13 sveita.
'islandsmeistararnir frá því í fyrra héldu fast í titilinn og hömpuðu honum annað árið í röð.
Sjá lokastöðu og bötler hér


Hrund Einarsdóttir, Dröfn Guðmundsdóttir, Ásgeir P. Ásbjörnsson og Vilhjálmur Sigurðsson JR spiluðu fyrir sveit Hrundar.

Í öðru sæti var sveit Hörpu: Í þeirri sveit spiluðu Harpa F. Ingólfsdóttir, Sveinn Þorvaldsson, Guðrún Jörgensen sem var aldursforseti mótsins og Guðlaugur Sveinsson.

Í þriðja sæti urðu norðanmenn, þau Ragnheiður Haraldsdóttir,Gylfi Pálsson, Frímann Stefánsson og Rosmary Shaw 
Í mótslok afhenti Þorsteinn Berg forseti BSÍ verðlaunin.
Verðlaunahafarnir fá innilegar hamingjuóskir

Mikil spenna var fyrir síðustu umferð í báðum deildum.  4 sveitir í 1. deild gátu unnið titilinn og 3 sveitir áttu raunhæfan möguleika á 2. sætinu í annari deild, en fyrsta sætið var frátekið fyrir Málningarsveitina.
Karl Siguhjartarson sigraði í 1. deild og Grant Thornton varð í 2. sæti og Eykt í því þriðja.
Málning varð öruggur sigurvagari í 2. deild og sveit Sölufélagsins fylgir þeim upp í fyrstu deild að ári. í þriðja sæti voru sveit Sparisjóðs Keflavíkur

Sjá stöðu

BSÍ býður áhugasömum keppniskonum og yngri spilurum upp á 5 kvölda námskeið, sem hefst seinni partinn í nóvember. Guðmundur Páll Arnarson hefur umsjón með námskeiðinu og verður tekinn upp þráðurinn frá því í vetur.

Staður og stund: Fimmtudagkvöld milli kl 19 og 22 í litla salnum í Síðumúla.

1 kvöld    22.nóvember

2.kvöld    29.nóvember

3.kvöld     13.desember

4.kvöld       3.janúar
5.kvöld       7.janúar ath: mánudagur
Námskeiðið er endurgjaldslaust, en skráning er á skrifstofu BSÍ í síma 587-9360 milli kl. 13 og 17.

Nú er Íslandsmóti yngri og eldri spilara lokið. 
Sigurvegarar yngri spilara eru þeir Óttar Ingi Oddsson og Gabríel Gíslason.
Sigurvegarar í eldir flokki eru þeir Hrólfur Hjaltason og Sigtryggur Sigurðsson.

Sjá spil og lokastöðu

Íslandsmeistararar yngri spilara Óttar Ingi Oddsson og Gabríel Gíslason(yngsti Íslandsmeistarinn frá upphafi?)
ásamt Íslandsmeisturum (h)eldri spilara Sigtryggi Sigurðssyni og Hrólfi Hjaltasyni.

(H)eldri spilarar- 2.sæti:Páll Þór Bergsson-Guðlaugur Sveinsson,
1.sæti Hrólfur Hjaltason-Sigtryggur Sigurðsson
3.sæti Hrafnhildur Skúladóttir-Jörundur Þórðarson ásamt Þosteini Berg forseta BSÍ

María Haraldsdóttir og Bryndís Þorsteinsdóttir tóku snemma forystuna á Íslandsmóti kvenna í tvímenning og sigruðu af öryggi. Dóra Axelsdótti og Erla Sigurjónsdóttir urðu í 2.sæti og Hulda Hjálmarsdóttir og Sigríður Eyjólfsdóttir í 3.sæti.

Dagskrá

Staðan

3. Sigríður Eyjólfsdóttir-Hulda Hjálmarsdóttir,1.Bryndís Þorsteinsdóttir-María Haraldsdóttir
2. Erla Sigurjónsdóttir-Dóra Axelsdóttir ásamt framkvæmdastjóra BSÍ Ólöfu Þorsteinsdóttur og keppnisstjóranum Páli Þórssyni.

Ársþing BSÍ var haldið 21.október s.l. Mættir voru fulltrúar bæði af Stór-Reykjavíkursvæði og af landsbyggðinni.

Guðmundur Baldursson, forseti til 2ja ára lét af embættinu og fær hann hinar bestu þakkir fyrir mjög vel unnið starf í þágu Bridgesambands Íslands.

Þorsteinn Berg var kosinn forseti til næstu 2ja ára

Ný stjórn var kosin: Í nýrri stjórn eru ásamt forseta sambandsins Þorsteini Berg, Ómar Olgeirsson, Páll Þórsson, Hrafnhildur skúladóttir og Sveinn Rúnar Eiríksson, í varastjórn eru Garðar Garðarsson og Júlíus Sigurjónsson.

Ísak Örn Sigurðsson hefur látið af störfum sem framkvæmdarstjóri og ráðin hefur verið nýr framkvæmdarstjóri í hans stað og er það Ólöf Heiður Þorsteinsdóttir.

Þrátt fyrir að Þórður hafi misstigið sig í næstsíðustu umferð, beit hann í skjaldarrendur og lauk mótinu með stæl.  Til hamingju þórður Sigurðsson

Sjá stöðu.

Forseti BSÍ Guðmundur Baldursson ásamt verðlaunahöfum,
2.sæti Sigurður Björgvinsson, Íslandsmeistarinn Þórður Sigurðsson, 3.sæti Vignir Hauksson

Ársþing BSÍ verður haldið í húsnæði Bridgesambands Íslands sunnudaginn 21. október og hefst klukkan 10:00 að morgni. Félög innan hreyfingarinnar hafa setu- og atkvæðisrétt á þinginu samkvæmt kvótaútreikningi skilagreina en áheyrnarfulltrúa eru velkomnir að sitja þingið. Ef einhver hefur hug á að sitja þingið án þess að vera fulltrúi félags, sendi viðkomandi inn umsókn með tölvupósti á póstfangið bridge@bridge.is

Nú er lokið fyrri helgi í deildakeppni Bridgesambands Íslands og í 1. deild leiðir Eykt, en sveit Karls Sigurhjartarsonar er í öðru sæti. 
Í 2. deild eru sveitir Málningar og Sparisjóðsins í Keflavík sem leiða hjörðina.

Sjá öll úrslit. 

Nú er að síga á seinni hlutann á heimsmeistaramótinu í bridge.
Íslendingar eiga fulltrúa í mótinu um Feneyjarbikarinn en Hjördís Eyþórsdóttir spilar fyrir USA 2. Sveitin tapaði í 8-liða úrslitum fyrir Frakklandi með aðeins 1 impa!

Norðmenn og Bandaríkjamenn spila til úrslita í opnum flokki á heimsmeistaramótinu í brids, sem stendur nú yfir í Shanghai í Kína. Í kvennaflokki spila Bandaríkin og Þýskaland til úrslita.

Norðmenn unnu sigur á Hollendingum og Bandaríkjamenn unnu Suður-Afríkumenn í undanúrslitum í opnum flokki. Í kvennaflokki vann bandaríska liðið það kínverska og Þjóðverjar unnu Frakka.

Úrslitaleikirnir hefjast á morgun og þeim lýkur á laugardag.

Hægt er að fylgjast með mótinu á heimasíðu mótsins

Lifandi úrslit má finna hér á Swangames

Einnig má sjá beinar útsendingar frá völdum leikjum á Bridgebase og á BridgebaseTV

Sveit Eyktar vann glæsilegan sigur 180 - 100 á sveit Grant Thornton í 64 spila bikarúrslitaleik sem háður var 23. september. Sveit Eyktar vann sigur í öllum fjórum lotunum, 42-35 í fyrstu lotunni, 42-17 í annarri, 59-27 í þeirri þriðju og 37-21 í þeirri fjórðu. Spilarar í sveit Eyktar voru Aðalsteinn Jörgensen, Bjarni H. Einarsson, Jón Baldursson, Sigurbjörn Haraldsson, Sverrir Ármannsson og Þorlákur Jónsson

Aðalsteinn Jörgensen, Bjarni Einarsson, Þorlákur Jónsson, Jón Baldursson,
Sigurbjörn Haraldsson og Sverrir Ármannsson

Undanúrslitaleikjum Bikarkeppni BSÍ lauk um klukkan 18:15 þann 22. september. Úrslitin urðu þannig:
EYKT - BREKI JARÐVERK         85 - 17    Breki gaf leikinn e. 2 lotur af 4
SP.SIGLUFJARÐAR - GRANT THORNTON   97 - 109

Til úrslita um bikarmeistaratitilinn spila sveitir Eyktar og Grant Thornton. Leikurinn verður sýndur á Bridgebase og hefst klukkan 11:00 þann 23. sept og lýkur um 20:30

Sverrir Ármannsson og Aðalsteinn Jörgensen unnu Lokamót Sumarbridge. Þeir voru með +57 og í öðru sæti voru Ómar Olgeirsson og Kristján Blöndal með +50. 3ja sætið fengu Halldór Þorvaldsson og Magnús Sverrisson með +40

Lokamót Sumarbridge 2007

2.sæti: Ómar Olgeirsson - Kristján Blöndal, 1.sæti:Sverrir Ármannsson - Aðalsteinn Jörgensen,
3.sæti Magnús Sverrisson - Halldór Þorvaldsson

Bronsstigakóngur sumarbridge Halldór Þorvaldsson, prinsessan Inda Hrönn Björnsdóttir, drottningin Guðrún Jóhannesdóttir

NÚ FER HVER AÐ VERÐA SÍÐASTUR AÐ SÆKJA UM!!!

Bridgesamband Íslands leitar eftir öflugum starfsmanni til að gegna stöðu framkvæmdastjóra.
Starfið felur í sér umsjón með daglegum rekstri sambandsins, fjáröflun, fræðslustarfi, samskiptum við fjölmiðla, félagsmenn og erlenda aðila.
Viðkomandi sinnir mótahaldi á vegum sambandsins, sér um stigaskráningu og félagaskrá.
Þekking á rekstri er æskileg en frumkvæði, drifkraftur og metnaður er skilyrði.
Allar ábendingar um nýjan framkvæmdastjóra eru vel þegnar.

Viðtakandi umsókna er forseti Bridgesambands Íslands, Guðmundur Baldursson, Ólafsgeisla 89, 113 Reykjavík. - E-mail gudmundur@logoflex.is

Búið er að gefa út mótaskrá BSÍ fyrir tímabilið 2007-2008. 
Tímasetningar móta eftir áramót gætu tekið breytingum eftir stjórnarfund BSÍ 5. september og/eða eftir ársþing BSÍ 21. október.

Svæðaformenn eru beðnir um að senda á bridge@bridge.is tímasetningar svæðamóta og annarra móta, sem allra fyrst móta fyrir áramót.
Einnig væri gott að láta skrifstofu BSÍ vita ef breytingar hafa orðið á spiladögum eða tengiliðum/formönnum félaga.

Athygli er vakin á því að miðað við þessa mótaskrá verða úrslit Íslandsmóts í sveitakeppni í kringum sumardaginn fyrsta en ekki páskana.

Allar ábendingar varðandi mótaskrána er vel þegnar.

Góðar stundir við græna borðið í vetur!

3. umferð:

Breki jarðverk ehf - Úlfurinn 118 - 114

Sparisjóður Siglufjarðar - Gylfi Baldursson 125 - 35

Malarvinnslan - Eykt 73 - 100

Skeljungur - Grant Thornton

Frestur til að ljúka 3. umferð er til 16. september

Allar upplýsingar um bikarkeppnina er hægt að nálgast á

heimasíðu Bikarkeppni 2007

Guðmundur Páll Arnarson skrifar pistla um bridge hálfsmánaðarlega í sumar.
5. pistillinn kom netið í  gær og er hægt að lesa hann hér :

Sumarpistlar GPA

Í pistlunum er meðal annars fari yfir sagnrautir sem  íslenskir spilarar geta svara spjallinu, http://www.bridge.is/spjall/tt.asp?forumid=9 eða svarblöum sem hanga uppi á spilakvöldum Sumarbridge í húsnæði BSÍ.

Lokið er bridgekeppni á landsmóti UMFÍ 2007.
Unnu heimamenn í UMSK góðan sigur.

Sjá öll úrslit

Fyrstu úrslitin í bikarkeppni sumarsins eru farin að berast og verða uppfærð hér á síðuna.  Keppnisgjald er 4.000 krónur á umferð.

Ísland gerði jafntefli við Dani í opnum flokki í síðustu umferð Norðurlandamótsins sem dugði ekki til að lyfta liðinu úr fimmta sæti keppninnar, til þess þurfti Ísland 18 stig. Finnar tryggðu sér öruggan sigur með 25-1 sigri á Færeyjum í síðustu umferð. Kvennaliðið þurfti að bíta í það súra epli að detta úr þriðja sætinu í það fjórða með slæmu tapi 5-25 gegn liði Dana. Þar urðu norsku konurnar Norðurlandameistarar með sex stiga forystu á lið Svíþjóðar.

HÉR ER HÆGT AÐ FYLGJAST MEÐ "RUNNING SCORE"

Bein sjónvarpsútsending frá Lillehammer hér

Heimasíða Norðurlandamótsins

Landslið Íslands á NM eru þannig skipuð:

Opinn flokkur:
Sigurvegarar 1.deildar 2006: Eykt
Aðalsteinn Jörgensen - Sverrir Ármannsson
Jón Baldursson - Þorlákur Jónsson
Bjarni H. Einarsson - Sigurbjörn Haraldsson

Kvennaflokkur:
Íslandsmeistarar kvenna í sveitakeppni 2007: SR- Group
Anna Ívarsdóttir - Guðrún Óskarsdóttir
Hjördís Sigurjónsdóttir - Ragnheiður Nielsen
Ljósbrá Baldursdóttir (pc)

ÍSLAND - OPINN FLOKKUR:

Efri röð: Sigurbjörn Haraldsson, Bjarni Einarsson, Jón Baldursson, Sverrir Ármannsson
Neðri röð: Aðalsteinn Jörgensen, Guðmundur Baldursson forseti BSÍ, Þorákur Jónsson

ÍSLAND - KVENNAFLOKKUR

Efri röð: Ragnheiður Nielsen, Guðrún Óskarsdóttir, Anna Ívarsdóttir, Hjördís Sigurjónsdóttir
Neðri röð: Guðmundur Baldursson forseti BSÍ, Ljósbrá Baldursdóttir

ÁFRAM ÍSLAND !!!

Reykjavík vann sigur á Kjördæmamótinu sem haldið var helgina 19.-20. maí á Ísafirði. Sveit Reykjavikur leiddi nánast allan tímann, en fyrir lokaumferðina var sveit N-Vestra búin að minnka bilið niður í 5 stig. Í lokaumferðinni áttust þessar 2 sveitir við og hafði Reykjavík þar sigur, 72-48. Reykjavík endaði því með 648 stig, en N-Vestra í öðru sæti með 619 stig. Skor Reykjavíkur jafngildir 18 stigum að meðaltali fyrir hvern leik.

Sjá stöðu

Reykjavík: Frá vinstri-Sveinn R. Þorvaldsson, Guðlaugur Sveinsson, Sigtryggur Sigurðsson,
Magnús Sverrisson, Guðrún Jóhannesdóttir, Baldur Bjartmarsson, Kristján Blöndal, Friðjón Þórhallsson, Ólöf Þorsteinsdóttir, Ísak Sigurðsson, Guðný Guðjónsdóttir, Ómar Olgeirsson,
Hrafnhildur Skúladóttir, Halldór Þorvaldsson og Jörundur Þórðarson. Á myndina vantar Svein Rúnar Eiríksson

Sumarbridge hefur starfsemi sína í kvöld klukkan 19:00. Þeir sem hyggjast mæta í kvöld, mæti tímanlega til að gefa mótshöldurum kost á að byrja í tíma.

Kjördæmamótið í bridge verður að þessu sinni í kjördæmi Vestfirðinga og spilað helgina 19.-20. maí. Spilastaður verður Menntaskólinn á Ísafirði. Nánari upplýsingar um mótið, gistimöguleika,tímaáætlanir og reglugerð sjást í hlekknum "sjá nánar"
Búið er að ganga frá rútuferð frá Reykjavík uppúr klukkan 17:00 föstudaginn 18. maí. Rútan verða 50 sæta, en þegar eru 17 sæti frátekin fyrir Færeyinga sem koma með flugi laust fyrir klukkan 17:00. Alls eru því 33 sæti laus í rútuna og um þau sæti gildir reglan "Fyrstur kemur - fyrstur fær". Rútan fer til baka frá Ísafirði í mótslok. Fargjald verður um eða undir 5.000 krónur á mann, svo fremi sem rútan fyllist. Skráning  á bridge@bridge.is eða í síma 587 9360 og skráningarfrestur til klukkan 17:00 miðvikudaginn 16. maí.

Mótinu lokið með nokkuð öruggum sigri Ragnheiðar Nielsen og Ómars Olgeirssonar

Sjá stöðu

2-Ásgeir Ásbjörnsson-Dröfn Guðmundsdóttir, 1-Ragnheiður Nielsen-Ómar Olgeirsson,
3-Arngunnur Jónsdóttir-Kristján Blöndal ásamt Guðmundi Baldurssyni forseta BSÍ

Jón Baldursson og Þorlákur Jónsson unnu sigur á Íslandsmótinu í tvímenningi sem haldið var helgina 20.-21. apríl eftir æsispennandi lokasetu. Jón Baldursson varð Íslandsmeistari í tvímenningi 4 ár í röð en 21 ár eru síðan hann vann til þessa titils síðast. Fyrir lokaumferðina munaði aðeins 0.5% skori á fimm efstu pörunum og öll þau pör komu til greina sem Íslandsmeistarar. Jón og Þorlákur náðu góðum árangri í lokasetunni sem dugði þeim í efsta sætið en Ómar Olgeirsson og Kristján Blöndal hrepptu annað sætið, einnig eftir góða lokaumferð. Lokastaða efstu para varð þannig:

1. Jón Baldursson - Þorlákur Jónsson                      315,2
2. Ómar Olgeirsson - Kristján Blöndal                      296,4
3. Ásmundur Pálsson - Guðm. Páll Arnarson           280,3
4. Guðmundur Halldórsson - Hermann Friðriksson  265,9
5. Daníel M. Sigurðsson - Erlendur Jónsson            259,2

Verðlaunahafar sáttir eftir æsispennandi lokabaráttu

Nánar - sjá heimasíðu mótsins

Úrslitasíða íslandsmótsins í tvímenningi

Eykt vann glæstan sigur í úrslitum Íslandsmótsins í sveitakeppni, annað árið í röð. Íslandsmeistararnir eru Aðalsteinn Jörgensen, Bjarni Einarsson, Jón Baldursson, Sigurbjörn Haraldsson, Sverrir Ármannsson og Þorlákur Jónsson.

Íslandsmeistarar 2007 - Eykt: Þorlákur Jónsson, Jón Baldursson,
Sigurbjörn Haraldsson, Aðalsteinn Jörgensen,Sverrir Ármannsson og 
Bjarni Einarsson ásamt Guðmundi Baldurssyni forseta BSÍ.

Heimasíða mótsins

Alda Guðnadóttir og Kristján B. Snorrason náðu besta árangrinum samanlagt á Góumótinu sem haldið var samhliða úrslitakeppni Íslandsmótsins í sveitakeppni 5. og 6. apríl.

Úrslitakeppni fjögurra efstu sveita verður háð laugardaginn 7. apríl á Hótel Loftleiðum.

Dramatík einkenndi lokaniðurstöðuna í undankeppni Íslandsmóts í sveitakeppni, en 3 efstu sveitirnar af 10 komust áfram í úrslitakeppni Íslajndsmót sem verður háð 4.-7. apríl á Hótel Loftleiðum.

Föstudagsbridge 23. mars fellur niður vegna undankeppni Íslandsmótsins í sveitakeppni sem hefst klukkan 14:00 á Hótel Loftleiðum.

Sveit Grímsbræðra vann öruggan sigur í Íslandsmóti yngri spilara í sveitakeppni, fékk 119 stig í 6 leikjum. Spilarar í sveit Grímsbræðra voru Grímur Kristinsson, Guðjón Hauksson, Inda Hrönn Björnsdóttir og Jóhann Sigurðarson.

Grímsbræður sælir með sigurinn! Grímur Kristinsson, Inda Hrönn Björnsdóttir,
Guðjón Hauksson og Jóhann Sigurðarson ásamt forseta BSÍ Guðmundi Baldurssyni.

Fjölmargar sveitir víðsvegar að af landinu taka þátt í undankeppni Íslandsmóts í sveitakeppni sem haldið verður á Hótel Loftleiðum. Undankeppni verður haldin dagana 23.-25. mars og úrslitin 4.-7. apríl.

Hér má sjá styrkleikaröðun sveita  og meistarastig+5ára stig spilara í öllum sveitum

Dregið var í riðla í hádeginu föstudaginn 9.mars 
Riðlaskipting

Heimasíða - Undankeppni Íslandsmóts í sveitakeppni 2007

Fróðlegt verður að sjá hver verður "spútniksveitin" í ár!

Tímasetningarnar og tilboð á gistingu má sjá hér með því að ýta á hlekkinn "Sjá nánar".

Reykjavíkurmótið í tvímenningi verður spilað laugardaginn 10. mars. Keppnisstjóri verður Björgvin Már Kristinsson og keppnisgjald 4.000 krónur á parið. Spilað verður að Síðumúla 37, húsnæði Bridgesambands Íslands.

Sveit SR-Group vann öruggan sigur á Íslandsmóti kvenna í sveitakeppni sem fram fór helgina 3.-4. mars. Sveit SR-Group var með forystu allan tímann og þegar upp var staðið, var sveitin með 26 stiga forystu á annað sætið.

Heimasíða Íslandsmóts kvenna í sveitakeppni 2007

Íslandsmeistarar kvenna í sveitakeppni 2007:
Ragnheiður Nielsen, Hjördís Sigurjónsdóttir, Ljósbrá Baldursdóttir,
Guðrún Óskarsdóttir ásamt Guðmundi Baldurssyni forseta BSÍ.
Einnig spilaði Anna Ívarsdóttir í sveitinni.

Sveit SR-Group hefur náð 20 stiga forystu í Íslandsmóti kvenna í saveitakeppni að afloknum 5 umferðum af 9.

Heimasíða Íslandsmóts kvenna í sveitakeppni 2007

Kvennanámskeið eru nú að hefjast hjá Guðmundi Páli Arnarssyni, en þau eru haldin fimmtudagskvöldin 8.mars - 10. maí. Námskeiðin verða frá klukkan 19:00-22:00.

Minnt er á að hægt er að skoða útsendingar á Bridgebase hér

Þeir sem voru að spila gátu auðvitað ekki fylgst með en hægt er að skoða leikina eftir á...

Íslandsmót kvenna í sveitakeppni verður háð helgina 3.-4. mars. Keppt verður um réttinn “Íslandsmeistari kvenna í sveitakeppni 2007” auk þess sem efsta sveitin vinnur sér rétt til að skipa landslið Íslands á Norðurlandamótinu í Lillehammer í sumar.

Norðmenn voru áberandi í verðlaunasætum Bridgehátíðar, bæði í tvímenningnum og sveitakeppninni. Jan Petter Svendsen og Erik Sælensminde náu þeim sjaldgæfa áfanga að fagna sigri í báðum keppnum.

Sjá má úrslit hér á Swangames.com

Í þessum hlekk er hægt að skoða úrslit allra leikja á Bridgehátíð 2007 og skoðað myndir úr mótinu.

Nú er lokið17 umferðum í tvímenningi Bridgehátíðar. Mikil barátta er um efstu sætin og jafnt á toppnum.

Nú er lokið15 umferðum í tvímenningi Bridgehátíðar. Íslendingarnir Bjarni Einarsson og Sigurbjörn Haraldsson eru í efsta sætinu en síðan kom nokkur relend pör í humátt á eftir þeim.

Nú er lokið 10 umferðum af 23 í tvímenningskeppni Bridgehátíðar og í síðustu umferð fyrsta spiladagsins náðu Lettarnir Ivars Rubenis og Ugis Jansons forystunni.

Fimmtudaginn 15. febrúar á milli klukkan 14-17 verður háður landsleikur í bridge í húsi Orkuveitunnar á milli sveitar Zia Mahmood og íslenska landsliðins.

Nú er orðið ljóst hverjir spila í stjörnuhraðsveitakeppninni sem spiluð verður í Ráðhúsi Reykjavíkur miðvikudagskvöldið 14. febrúar. Búið er að velja 16 pör til að spila annan vænginn í hraðsveitakeppninni, 13 erlend pör og 3 íslensk landsliðspör. Pörin sem kaupa sig í keppnina, verða dregin í sveit með þessum völdu pörum.

Húsnæðið á Hótel Loftleiðum rúmar aðeins ákveðinn fjölda og vegna þess hve skráning hefur gengið vel fram að þessu, eru menn beðnir um að skrá sig í tíma. Nú þegar er fullt orðið í tvímenninginn og verða menn settir á biðlista ef þeir skrá sig.

Bridgesamband Íslands hefur pantað mat fyrir 100 manns í Perlunni, eftir lok tvímenningskeppninnar föstudaginn 16. febrúar klukkan 19:30.

Bridgehátíð 2007 verður haldin dagana 15.-18. febrúar næstkomandi á Hótel Loftleiðum. Skráning er þegar hafin og hægt að skrá sig hér á síðunni.

Föstudagsbridge hefur starfsemi sína 12. janúar.

Sjá úrslit úr föstudagsbridge hér

Gleðilegt ár kæru spilarar!

Árið fer fjörlega af stað í bridgelífinu að vanda.
HSK mót á Selfossi fimmtudaginn 4.janúar

Bridgehátíð í Borgarnesi næstu helgi

Reykjavíkurmótið 9-21.janúar-Heimasíða mótsins 

Sjá nánar um öll svæðamót framundan hér 

Svæðaformenn og/eða keppnisstjórar eru hvattir til að setja fréttir um úrslit svæðamóta inn á heimasíðu bridge.is. Þeir sem ekki treysta sér í að setja það sjálfir inn geta sent inn fréttir á bridge@bridge.is   Hér má sjá úrslit móta sem eru á mótaskránni-vantar enn úrslit nokkura móta

Formenn félaga eru minntir á skilagreinina sem þarf að skila fyrir 10.janúar. Einnig bronsstig og silfurstig spilara.
Hægt er að nálgast skjalið hér og þægilegast er að senda í tölvupósti á  bridge@bridge.is eða á faxi 587-9361. 

Góða skemmtun við græna borðið árið 2007!