Beint á leiđarkerfi vefsins
Merki Bridgesambands Íslands - Fara á forsíđu

Fréttir

7.12.2009

Landsliđshópur í Opnum flokki og Kvennaflokki 2010

Nýskipuð Landsliðsnefnd BSÍ 2009-2010 hefur ákveðið að óska eftir umsóknum frá pörum til að mynda 6-8 para Landsliðshóp í Opnum flokki og Kvennaflokki. Þetta er ekki hópur sem er myndaður til skamms tíma heldur er framtíðarsýn Landsliðsnefndar að vera ávallt með 6-8 pör í Landsliðshóp hverju sinni. Óskar er eftir pörum sem uppfylla eftirfarandi skilyrði: 
  • Hafa áhuga og metnað til að spila fyrir Íslands hönd á bridgemótum.
  • Geti æft/unnið/spilað reglulega sem par. Innifalið í því getur verið:
    • Fyrirlestur/úrlausn verkefna
    • Ćfingar í húsnæði BSÍ eða á öðrum fyrirfram ákveðnum stað.
    • Spilamennska í húsnæði BSÍ eða á öðrum fyrirfram ákveðnum stað.
    • Ćfingar á netinu
    • Spilamennska á netinu
  • Krafist er 100% mætingar og 100% skil á verkefnum, stór hluti af verkefnunum geta spilara leyst á tíma sem þeir ákveða sjálfir.
  •  Spilarar þurfa að vera tilbúnir að aðrir fari yfir spilin þeirra, hvort sem er meldingar eða spilamennska.

 Landsliðsnefnd ætlar að bjóða upp á metnaðarfullt og árangursíkt æfingaplan og stefnt er að búa til verkefni fyrir 6-8 pör á hverju spilaári.Næstu verkefni landsliða Íslands fara fram sumarið 2010. Þau pör sem koma til með að  skipa landsliðshópinn þurfa að vera tilbúinn í verkefni fram að 1. september 2010 eða mögulega síðar eftir verkefnum hverju sinni.

 Með hverri umsókn skal fylgja ástæða fyrir því að sótt er um. Tekið er við umsóknum í tölvupósti til bridge@bridge.is eða í lokuðu umslagi sem skilast til skrifstofu BSÍ á opnunartíma skrifstofu. Umsóknarfrestur rennur út 12. desember kl. 17:00 

Landsliðsnefnd BSÍ:

Kristinn Kristinsson
Ragnar Hermannsson
Gunnlaugur Karlsson


Viđburđadagatal

Engin skráđur viđburđur framundan.

Hverjir spila í dag

Bridgedeild Breiðfirðinga ,Spilað er öll sunnudagskvöld og hefst spilamennska kl. 19:00.
Spilað er í Breiðfirðingabúð, Faxafeni 14.

Skoða alla daga


Olís

Slóđ:

Forsíđa » Fréttir

Myndir


Auglýsing