Beint á leiðarkerfi vefsins
Merki Bridgesambands Íslands - Fara á forsíðu

Fréttir

27.3.2012

Úrslit Íslandsmótsins - keppnisstaður

 

Töluverð umræða hefur verið meðal bridgespilara um þá ákvörðun að úrslitamótið í sveitakeppni skuli fara fram í húsnæði Bridgesambandsins í Síðumúla. Finnst mörgum að húsnæðið hæfi ekki úrslitakeppninni og lítil aðstaða sé fyrir áhorfendur. Þetta er ekki ný umræða og kom m.a. upp í fyrra. Því var þá heitið að betri keppnisstaður yrði fundinn á næsta ári, sem nú er runnið upp. Forseti og framkvæmdastjóri Bridgesambandsins hafa leitað ýmissa leiða til að finna góðan stað fyrir mótið en allar líkur eru á því að við verðum að halda það í Síðmúlanum. Meginástæða er sú háa húsaleiga sem farið er fram á fyrir þessa fjóra daga sem úrslitakeppnin stendur yfir. Hótel Natura (Loftleiðir) fara fram á 551.000 króna leigu. Reykjavík Bridge Festival var haldið þar í janúar og undankeppnin fór þar einnig fram, var þá svipuð leiga greidd í hvort sinn. Í úrslitunum er spilað samtals á 12 borðum, þannig að þetta rúmast vel í Síðumúlanum. Húsnæðið verður lagfært, m.a. með tilliti til hljóðs, samtals er sá kostnaður um 700.000 kr og viljum við einfaldlega frekar verja þeim peningum í nauðsynlegar breytingar, heldur en í  háa húsaleigu annars staðar.
Enn er verið að leita að öðru húsnæði og er þeim möguleika haldið opnum að færa mótið, kannað hefur verið húsnæði í skólum, hjá íþróttafélögum, húsnæði Sautján á Laugaveginum og víðar. Við treystum okkur ekki til að hækka keppnisgjöld frekar, framlög hins opinbera hafa dregist verulega saman, framundan eru dýrar keppnir í Evrópumótinu og Ólympíumótinu. Við þurfum að sníða okkur stakk eftir vexti, því er þetta niðurstaðan nema aðrir möguleikar opnist.

Jafet S. Ólafsson, forseti


Viðburðadagatal


Hverjir spila í dag

Bf. Kópavogs Spilamennska hefst kl. 19:00 ,Spilað er í Gjabakka, Fannborg 8. 1.hæð
Bf. Selfoss kl. 19:30 - Selið, Íþróttavallarsvæði
Bf. Akraness  kl. 19:30 - Kirkjubraut 40

Skoða alla daga


Olís

Slóð:

Forsíða » Fréttir

Myndir


Auglýsing