Úrslit bikarkeppni BSÍ verða spiluð helgina 23.-24. september í húsnæði BSÍ að Síðumúla 37. Í undanúrslitum verða spiluð 48 spil og eigast þar við sveitir Garða og véla-Þriggja frakka annars vegar og hins vegar sveitir Orkuveitarinnar- Hermanns Friðrikssonar. Spilamennska hefst stundvíslega klukkan 11:00 þann 23. september og lýkur upp úr klukkan 18:00.
Úrslitaleikurinn verður 64 spil á milli þeirra sveita sem bera sigur úr býtum í áðurnefndum viðureignum. Spilamennskan í úrslitaleiknum hefst klukkan 11:00 sunnudaginn 24. september en lýkur upp úr klukkan 20:00. Stefnt er að því að sýna frá báðum borðum á Bridgebase í úrslitaleiknum á sunnudaginn. Áhorfendur eru að sjálfsögðu velkomnir og hvattir til að fylgjast með skemmtilegum viðureignum.

Garðar og vélar: Símon Símonarson, Rúnar Magnússon, Einar Jónsson, Sigurður Vilhjálmsson, Júlíus Sigurjónsson, Eiríkur Hjaltason

Þrír frakkar: Kristján Blöndal, Ómar Olgeirsson, Steinar Jónsson, Valur Sigurðsson, Ísak Örn Sigurðsson, Stefán Jónsson  

Orkuveitan: Páll Valdimarsson, Ragnar Magnússon, Hermann Lárusson, Þröstur Ingimarsson, Sigfús Örn Árnason, Friðjón Þórhallsson

Hermann Friðriksson: Hermann Friðriksson, Vilhjálmur Sigurðsson jr, Jón Ingþórsson, Erlendur Jónsson, Daníel Már Sigurðsson, Hlynur Angantýsson