Fundargerðir
9.1.2002
9. janúar 2002
Stjórnarfundur BSÍ 09. janúar 2002
Mættir á fundinn: Ísak Örn Sigurðsson, Anton Haraldsson, Ólafur Steinason, Birkir J. Jónsson, Sigtryggur Sigurðsson, Erla Sigurjónsdóttir, Matthías Þorvaldsson, Elín Jóhannsdóttir og Stefanía Skarphéðinsdóttir
| 1. Skýrsla framkvæmdastjóra Félagaforritið verður ekki tilbúið fyrr en í lok janúar. Það verður fyrst prufukeyrt hjá Bf. Akraness og Bf. Selfoss í ca. 2 vikur og síðan dreift til allra félaga. Landsliðin í opnum flokki og kvenna flokki verða ekki tilkynnt fyrr en í lok janúar, en Guðmundur Páll er byrjaður með undirbúningsfundi. |
| 2. Síðumúli 37 Við fengum lyklavöldin 27.desember. Framkvæmdir hófust strax og ganga að mestu skv. áætlun. Ýmilegt sem veldur aukakostnaði hefur komið í ljós þegar farið var að rífa aðallega í sambandi við rafmagn, en vinna við raflagnir verður miklu meiri og dýrari en áætlað var. Húsið verður tekið í notkun 1.febrúar. Matthías, Ísak, Birkir og Stefanía sjá um að skipuleggja opnunina. Arnar og Sólveig eru tilbúin að sjá um veitingasöluna fram á vorið, stjórnin samþykkir að framlengja samning við þau. |
| 3. Íslandsmót í tvímenningi Samþykkt að færa mótið til vors. |
| 4. Íslandsmót í sveitakeppni, undanúrslit 2002 Tilboð hefur borist frá Bs. Vesturlands, Hótel Borgarnesi og Búnaðarbankanum, Borgarnesi. Þessir aðilar bjóða húsnæði endurgjaldslaust ásamt því að greiða hluta af kostnaði við mótshaldið. Einnig er tilboðspakki í gistingu og mat. Stefanía og nokkrir stjórnarmenn skoðuðu aðstæður á Hótel Borgarnesi og telja að vel sé hægt að halda mótið þar. Við getum líka fengið inn í Fjölbrautarskólanum við Ármúla, en Stefanía og Anton skoðuðu aðstæður þar. Að lokinni umræðu um þessa möguleika, var gengið til atkvæða og samþykkt að ganga að tilboði Bs. Vesturlands og spila í Borgarnesi 8.-10.mars nk. Litið er á samþykktina sem skammtímalausn, vegna þess hve lítill tími er til stefnu. Stjórnarmenn hvattir til að huga sem fyrst að framkvæmd næsta Íslandsmóts. |
| 5. Önnur mál Matthías gaf skýrslu um störf fræðslunefndar, sem eru í góðum farvegi. Fundi slitið kl. 19.00 og farið í vettvangskönnun í Síðumúlann. |
Viðburðadagatal
23.3.2019
24.3.2019
30.3.2019
31.3.2019
Flýtileiðir
Hverjir spila í dag
Bf. Kópavogs Spilamennska hefst kl. 19:00 ,Spilað er í Gjabakka, Fannborg 8. 1.hæð
Bf. Selfoss kl. 19:30 - Selið, Íþróttavallarsvæði
Bf. Akraness kl. 19:30 - Kirkjubraut 40
Félögin
Myndir
Auglýsing
