Umræðuborð Bridgesambands Íslands

Ég átti ekki von á þessari skelfilegu byrjun sem við lentum í að tapa 1-25 fyrir Grikklandi. Það virtust allir vera kátir og hressir í morgunmatnum og það var góður andi í liðinu í labbitúrnum á spilastaðinn og síðan lenti skíturinn í viftunni ........

Sem betur fer þá höguðu strákarnir sér eins og reyndust atvinnumenn og fóru bara beint á hótel, slöppuðu af í 40 mínútur og tóku svo vel á því í 22-8 sigri á Tyrklandi og síðan var reiðinni veitt útrás í 25-3 sigri á aumingja Venesúela sem var rétt lið á röngum tíma....

En þrátt fyrir 1 stig í fyrsta leik þá náðust 48 stig úr deginum sem jafngildir 16 stig að meðaltali. Staðan er vissulega mun verri en ef við hefðum t.d. fengið 11 stig gegn Grikklandi en samt eru fínir möguleikar á að enda í 4. sæti og verður allt lagt undir á morgun.  Verkefnið var að komast áfram úr riðlinum og verkefninu er ekki lokið enn!

Maður sér að nokkur lið hafa gefið vel eftir í dag. Þau virðast vera í töluvert verra formi en t.d. íslensku spilararnir og vonast maður til að rútínan og spilagetan geri gæfumuninn á morgun!

Leikirnir á móti Noregi og Mónakó verða sýndir á www.bridgecardreader.com

Bestu kveðjur frá Lille

Sammála Rúnari.  Hann fer ekki með fleipur.  Áfram Ísland.