Umræðuborð Bridgesambands Íslands

Ársþing BSÍ er að öllu jöfnu þétt skipuð dagskrá samkvæmt lögum BSÍ.

Ég sting upp á laugardeginum 22. september kl. 11 - 15.  í Síðumúla 37

Síðan létt sveitakeppni eða tvímenningur eða einmenningur frá 15-19

Mér finnst gaman að geta þess hér, að einn af okkar toppspilurum hér á klakanum, Hr. Magnús Eiður Magnússon, sem hefur stundum ( að mínu mati ) virkað áhugalítill gagnvart bridsinum, sýndi mér algerlega nýja hlið á sér, á Ólympíumótinu. Hann geislaði af ástríðu fyrir spilinu og var tíðrætt um þá vegferð sem íslenski bridsinn þyrfti að fara í til að standa sig í samkeppni við þann erlenda. Hann nefndi til sögunnar ný vinnubrögð og sá fyrir sér einhvers konar ,, akademíu,, þar sem menn myndu skiptast á kerfishugmyndum og gagnrýnin hugsun á kerfi hvers annars væri leifð. Enginn tæki gagnrýni sem einhverri persónulegri árás, heldur sem aðferð til framþróunar. Við værum jú allir félagar í sama skipsplássinu. 

Maggi er ótrúlega útpældur í kerfum og er að viðra hugmyndir um kerfisstöður sem ég hef aldrei heyrt fyrr. Hans framlag gæti verið ótrúlega mikilvægt og hreinlega skipt sköpum.  

Ég skora á Magga að tjá sig um þetta hér spjallinu.

Hann er nú búinn að fá ,, herkvaðningu! ,,

Ég hef fengið athugasemdir um að laugardagur væri óheppilegur, m.a. fjölskyldumál og fríhelgar.

Helst er rætt um fimmtudag.  Ég er að vinna betur í málunum varðandi dagsetningu.

Gaman að heyra þetta Jörgi, líst vel á þetta hjá Magga! Félagar hans í sænska liðinu eru nú að rúlla yfir Pólverja í úrslitaleik á Olympíumótinu, og höfðu áður slegið út Mónakó.

Nokkuð viss um að Svíarnir hafa einmitt verið duglegir að skiptast á hugmyndum og að þróa sig áfram.

Útgangspunkturinn í umræðunni gæti verið Hvað skiptir máli í bridge?. Hvað ættu pör að leggja áherslu á í framþróun sinni, spilamennsku, sagnkerfið, stíllinn, baráttustöður, varnaræfingar ofl.?

Hér heima hefur kannski verið of mikil áhersla á sagnkerfið daginn út og inn (ótruflaðar sagnir) en minna stúderað sagnbaráttan og stíll parsins(bylgjulengd). Og spilamennskan sjálf hefur kannski líka verið vanmetin. Það er nauðsynlegt að standa og hnekkja viðkvæmum samningum oftar en (flestir) aðrir.

Hvernig geta menn bætt sig sem einstaklingar í bridge, einbeiting, sigurvilji, dugnaður, kurteisi ofl.

Það þurfa ekki allir að finna upp hjólið, einmitt að skiptast á skoðunum og hugmyndum, t.d. hægt að fá mikið af hugmyndum með því að horfa(t.d. í endursýningu ef náðir ekki beinu útsendingunni) á stórleiki á BBO. Með áherslu á að fylgjast með pörum með líkt kerfi/stíl.

Hehe, þú rétt náðir mér Bessi.  Kallinn var á leið í koju, enda Rjúpnavellir framundan hér í morgunsárið.

Það má vel vera að þeir hlutir sem Maggi ræddi um, séu að einhverju leyti frá þér komnir. En allavega það sem var nýtt fyrir mér voru hlutir eins og yfirfærslur eftir dobl makkers á 3 laufum. Það var líka í umræðunni hvort þetta sama lögmál gilti eftir dobl á einu og tveimur laufum. Önnur staða sem yfirfærslur eru án efa betri en venjulegar sagnir kemur upp þegar Stayman er doblaður. Á þar að nota yfirfærslur strax, án tillits hvort grandarinn á stopper. Strúktur eftir grandopnun, var líka ræddur. Framhald í sterku laufakerfi og svo framvegis.

Ég get svo sem ekki komið með einhverja tæmandi lýsingu á þessu hér og nú, en margt var rætt og að sjálfsögðu oft í tengslum við spil sem poppuðu upp.

Fyrst þú stakkst hausnum inn í þennan þráð Bessi, þá er þér hér með birt ,, herkvaðning! ,,

quote:

Joe leysir þessar stöður svona: 3s er annað hvort spurning um stop eða Nat 4c melding, 4c setur hjarta...Elegant og einfalt...

Fundur verður haldinn fimmtudaginn 6. september 2012.  Fundarstaður er Síðumúli 37.  Tímasetning er 19:00 - 22:00

Allir spilarar eru hvattir til að mæta og tjá sig um hver þau málefni sem þeim liggur á hjarta.  Öll Bridge málefni eru gild.  Allar skoðanir eru vel þegnar.

Jafet Ólafsson og Björn Eysteinsson hafa boðað komu sína á þennan fund.

Spilarar sem sem ekki teljast til stórlaxa eru hvattir til að mæta.

Æskilegt er að áhugasamir hafi samband við mig i síma 693-1061 varðandi málefni sem þeir vilja að séu formlega á dagskrá.

quote:

Tilvitnun: Vigfús Pálsson

quote:

Fundur verður haldinn fimmtudaginn 6. september 2012.  Fundarstaður er Síðumúli 37.  Tímasetning er 19:00 - 22:00 Allir spilarar eru hvattir til að mæta og tjá sig um hver þau málefni sem þeim liggur á hjarta.  Öll Bridge málefni eru gild.  Allar skoðanir eru vel þegnar. Jafet Ólafsson og Björn Eysteinsson hafa boðað komu sína á þennan fund. Spilarar sem sem ekki teljast til stórlaxa eru hvattir til að mæta. Æskilegt er að áhugasamir hafi samband við mig i síma 693-1061 varðandi málefni sem þeir vilja að séu formlega á dagskrá.

Ég er nú ekki alveg að fatta þetta fundarboð á spjallvef(!) BSÍ. Er fundurinn aðeins fyrir þá sem liggja yfir eldgömlum spjallþráðum? + þá sem fá persónulegt fundarboð frá Vigfúsi? Þar sem smálaxar eru hvattir til að mæta!? Á forsíðu BSÍ er ennþá linkur í Ólympímótið en þessarar merku ráðstefnu hvergi getið. Ekki þýðir að athuga fundargerðir BSÍ því fundur virðist síðast hafa verið haldinn í maí. Hvaða brandari er í gangi?

(Svar við bréfi frá: Vigfús Pálsson)