Umræðuborð Bridgesambands Íslands

Umræða kom upp í sumarbridge í gær hvað skyldi gera með eftirfarandi hönd. Þú ert utan hættu gegn á í tvímenning. Þú ert dealer.

AD103 97643 AJ 52

Umrædd umræða snérist um það hvort ætti að opna á eftirfarandi spil í standard. Hvað má bjóða þér að gera?

Vafaregla Tona - Í vafa - góður litur = Opna. Nú og hér afar lélegur litur. En ætla samt ekki að passa...Standardstíllinn hjá mörgum orðinn þannig að opnað á alla 11 (og 1NT 14-16)

Þessi 5-litur í hjarta lítur út eins og 4-litur svo opna á 1 laufi! . Ætla ekki að spila hjarta nema makker eigi 4-lit+. Vont í standard að geta ekki sýnt þokkalegar 10-11 pkt hendur öðru vísi en að passa.

Ef við pössum núna þá berum við auðvitað þá væntingu í brjósti að fá tækifæri í næsta sagnhring. Gagnrýni alls ekki pass á þessi spil. En í tvímenningi, sér í lagi á hagstæðum hættum, getur verið sterkt að láta strax að sér kveða. Melda 1 og á tiltölulega þægilegt rebid upp í erminni. Ég tel 1 vera yfirburðasögn (ef við á annað borð opnum) á þessi spil, því ef við lendum í vörn þá veit makker okkar hvar styrkurinn liggur.

pass ef þú spilar 15-17nt opnar ef þú spilar 14-16nt

oops las shapið vitlaust fannst ég eiga 4-4-3-2

þessi hönd sýnir hvað það er gott að spila semi forcing nt við major, svo gætir þú lent í vandræðum með að koma inná þetta svo betra að opna á 1h

Ég held að flestir sem spila standard opni með 11 punkta og fimmlit. Þó að hjartaliturinn sé lélegur þá er annað sem vegur spilin upp hér svo sem fjórlitur í spaða, lítið til spillis í litunum(ekki Qx eða Jx) og ásarnir eru alltaf sterkir punktar.

Sagnbarátta snýst að mestu um að finna sem fyrst hvort þú átt fitt og næga punkta í geim. Þar af leiðandi er mjög ótaktískt að passa hér þegar maður getur byrjað sagnirnar enda kemur það fljótlega í ljós eftir opnun á 1 hvernig landið liggur. Ef makker segir 1 þá hækka ég í 2. Ef makker meldar 1NT þá passa ég. Er þetta ekki einfaldasta leiðin til að koma spilunum til skila? Hvers vegna halda menn að þeir komi spilunum betur til skila með að passa fyrst og giska svo?

Ég mundi alltaf opna í 1. hönd utan hættu.

Á hættu, og sérstaklega í tvímenning eru svo miklar líkur að lenda í samning sem er niður og oft -2 að ég passa.

Vandamálið er kannski meira hvað maður meldar ef makker segir 1NT (krafa!).... ég passa hvort sem er krafa eða ekki

Opna á 1

Ég melda líklega 1, líka freistandi að melda 1NT (11-13) eða 2 (4-5 og undir opnun) en pass miðann finn ég ekki með þessi spil í 1. hendi utan hættu

Samkvæmt skilgreiningunni um tapslagatalningu - er þetta aðeins 7 tapslagir, en lágmarks jafnskipt opnun er oft 7,5-8 tapslagir - og á þannig hönd opna menn miskunnarlaust. Því er það mitt álit að opna eigi á þessa hönd, sérstaklega þegar tekið er tillit til þess að hættur eru hagstæðar. Á móti vegur, að hjartaliturinn er óvenju lélegur sem getur verið kostnaðarsamt, en opna samt á 1, tel kostina vera fleiri en gallana. Þegar ég var með höndina á móti þessari í sumarbridge, ákvað makker að opna á 1 sem er alls ekki svo vitlaust. Eins og Jón Þorvarðarson bendir á, þá er endurmelding auðveld. Mér finnst pass ekki vera raunhæfur valkostur.

Mér finnst nú opnunin 1 bjóða hættunni heim. Hún heppnast fyrst og fremst þegar við lendum í vörn, en það hljóta að vera talsvert minna en helmingslíkur á því þegar við höldum á 11 HP og báðum hálitum. Ég sé ekkert þægilegt við að endurmelda 2 við einu grandi og fá svo 2 frá makker og spila á 4-2 samlegu í stað 5-3 .

Mér finnst pass koma til greina - þó enn frekar ef við værum á hættu, eins og Svenni benti á. Tel samt 1 vera rétt, því með þetta mörg spil í hálitunum líður mér alls ekki vel ef annar andstæðingurinn opnar á láglit og hinn segir 1 grand. Og tökum eftir því að þó okkur finnist slæmt að opna á þennan slappa -lit, þá kæmi enn síður til greina að koma inná á 1 í næsta hring.

Þessar hendur með 4-5 í hálitunum eru til vandræða í flestum kerfum, sér í lagi ef opnunin er reist á litlum styrk. Svo að sennilega er pass einfaldlega besta sögnin. En þetta er tvímenningur svo e.t.v. má teygja sig aðeins. Hvað varðar að opna á 1, sem er auðvitað fyrsta hugsun, þá getur það verið hættuspil. Í fyrsta lagi dregur sögnin stórlega úr möguleikanum að koma spaðalitnum til skila. Í öðru lagi gæti sögnin bakað okkur tjón ef við lendum í vörn og makker á út. Kosturinn við 1 birtist fyrst og fremst í því þegar makker getur stutt hjartað.

Opnun á 1 er vitaskuld líka glæfraspil þar sem 5-3 samlegan í hjarta gæti farið forgörðum. En er það ekki nánast eina hættan? Semsé þrílitastuðningur hjá makker? Kosturinn við 1 er hins vegar sá að við komum mjög auðveldlega báðum litunum til skila, auk þess sem við getum verið vel spilanlegir í 4-3 fittinu í spaða þegar makker er stuttur í hjarta. Í annan stað verður það að teljast kostur að hafa opnað á 1 ef það hvílir á herðum makkers að velja útspil í vörninni.

Ég held að lærdómurinn af þessu spili sé fyrst og fremst sá að hlutirnir eru ekki bara svartir og hvítir.

Þetta eru líflegar og skemmtilegar umræður hérna á spjallinu. Ég persónulega er nokkuð ósammála mörgum sjónarmiðum sem koma hér fram út frá taktískum sjónarmiðum og langar því að koma með nokkrar föðurlegar ráðlegginar 

Þegar menn eru sífellt hræddir við að opna og að melda af því að það gæti farið illa, þeir gætu farið niður, þeir gætu verið doblaðir o.s.frv..........þá eru þeir á rangri braut. Ég hugsaði svona á mínum yngri árum þegar ég var að spila og vildi alltaf eiga góðan 6 lit og opnun til að koma inná á 2. sagnþrepi. Eftir að hafa farið í nokkrar kennslustundir hjá Tona bróður fór mér mikið fram. Hann kenndi mér m.a. að maður græddi mun oftar á því að melda heldur en melda ekki og að það gæti líka verið áhætta að segja pass!!! Nú langar mig að nefna nokkra punkta varðandi umræðuna sem hefur verið hérna vegna þessa spils. Eftirfarandi skrif miðast við almenna taktík, ekki bara utan gegn á eins og í þessu spili heldur líka ef allir eru á hættu eða allir utan. Ef maður er utan gegn á er ennþá meiri ástæða til að opna.

1. Það er svo hættulegt að opna á 1 því þá getur makker spilað vitlaust út. Best að segja pass. Þetta er mikil rökvilla. Í fyrsta lagi er orðið a.m.k. 50% líklegt að ég eða makker verðum sagnhafar ef ég opna. b)Í hinum 50% sem andstaðan spilar spilið þá á ég út í helming tilfella!! c) Þá eru 25% eftir þar sem makker á út, og þá er oft rétt að koma út með hjarta, t.d. ef andstaðan er að spila grand eða spaðasamning. Auk þess getur makker spilað út laufi og gefið slag þar ef við pössum í upphafi. NIÐURSTAÐA: Það er mjög óskynsamlegt að miða opnun í fyrstu hönd út frá því hverju þú vilt að makker spili út því þú veist ekkert um það hver verður sagnhafi og hvað er rétt að gera! GRUNDVALLARATRIÐI Í MELDINGUM ER AÐ FINNA FITT! EKKI BENDA Á ÚTSPIL!!!

2. Ég vil ekki opna á 1 af því liturinn er svo lélegur. Við gætum lent í 2 í 5-3 fitti. Betra að opna á 1 eða 1. Nú spyr ég, hvað er að því að spila 2 á 8 spila fitt í tvímenningi? Er það reynsla manna að þeir komi yfirleitt betur út úr því að spila 1NT? Það er ekki reynsla mín. Makker á oftast 1-3 spaða í þessum tilfellum og þá held ég að það sé betra að spila 2. Jafnvel þótt makker eigi Kxx eða eitthvað álíka í trompinu. Það er glæpur að reyna að týna hjartafittinu þegar við eigum fjórlit til hliðar. Það væri e.t.v. allt í lagi með 5-3-3-2 skiptingu en ekki með 5-4 skiptingu því þá er nánast alltaf betra að spila 2 ef við eigum fitt.

3. Ég vil ekki opna af því að ég gæti farið niður í spilinu. Best að segja pass. Það er í góðu lagi ef menn komast að samkomulagi um það að opna bara þegar þeir eiga a.m.k. 12 punkta. Ekkert að því og besta mál. En þeir sem opna stundum á 11 punkta ættu ekki að sleppa því hér. Það gæti alveg gerst að við færum 2 niður í tvímenningi á hættunni og fengið -200, gott og vel. En ef við pössum og leyfum hinum að spila 1NT eða 2 og standa það þegar við eigum hálitabút þá er það líka -200 fyrir okkur. Þar af leiðandi er passið síður en svo áhættulaust. Og hvað ætla menn að gera eftir að sagnir ganga Pass - 1T(á vinstri hönd) - pass - 1spaði /  - pass(ég) - 2T(vinstri hönd) - Pass - Pass??? Ég held það sé ennþá meiri áhætta að melda núna.

Annað atriði. Það er deginum ljósara að maður græðir ekki á því in the long run að vera þægilegur andstæðingur sem segir alltaf pass og leyfir hinum að melda í rólegheitunum. Ef við opnum í spilinu erum við um leið búnir að gera andstæðingunum mun erfiðara fyrir með að finna sitt fitt og komast í sinn samning. Kannski fáum við bara að spila 1NT,  2 eða 2 í rólegheitunum þegar þeir eiga bút í spilinu. Kannski fara þeir í vitlausan samning í kjölfarið?

4. Mér líst svo illa á hjartalitinn að ég ætla að opna á 1 eða 1. Varðandi opnun á 1 þá kom ég aðeins inná það áðan að það er alla jafna betra að spila 2 en 1NT þar sem við eigum skiptingu til hliðar. 1 er síður en svo áhættulaus opnun. Makker berst stundum í 2 á tvílit í sagnbaráttu. Hann reisir oft í 2 á þrílit(sem mig langar ekkert sérstaklega að spila á hættunni), og hann stekkur oft í 3 með fjórlit. Ofan í þetta þá erum við búin að stela fittinu frá andstæðingunum ef þeir eiga 8 spila spaðafitt. Það er ekki svo óalgengt þannig séð.

Það kemur frekar til greina að opna á 1 í þriðju hönd því þá er orðið mun líklegra að þið munið verjast í spilinu og þá skiptir útspilið meira máli. Í þriðju hönd er makker líka meira á varðbergi um að þú sért að opna létt og hefur vaðið fyrir neðan sig. Þriðja hönd er eina staðan þar sem mér finnst koma til greina að opna útspilsvísandi, t.d. á góðan fjórlit.

5. Ég spila kröfugrand og má ekki passa 1NT hjá makker. Ef menn spila svona sagnvenjur þá kemur miklu frekar til greina að passa í upphafi. Ég hef aldrei skilið sagnvenju sem er þannig uppbyggð að maður er nánast þvingaður á 2. sagnstig ef maður opnar á 1 í hálit. Maður getur sagt margar sagnir með geimkröfuhendur og hvers vegna þarf að taka 1NT undir það líka? Sjálfseyðingarsagnvenja sem ég held að allir ættu að taka út úr sínu kerfi. 1NT á bara að sýna í mesta lagi áskorun í geim(allt að 12 punktar) sem opnari getur passað með 11-12 jafnskipta punkta.

AÐ LOKUM: Það eru eflaust margir ósammála mér í einhverju sem er bara besta mál. Mig langar samt að benda á þá staðreynd að topp-bridge í heiminum hefur þróast þannig undanfarin ár að þeir sem spila varkáran stíl og eiga alltaf fyrir sínu eru að verða undir í baráttunni, en þeir sem spila taktíkst, melda oft og reyna að koma sínum spilum að sem fyrst eru að ná yfirhöndinni. Það er alls ekki skrýtið því eins og GPA segir, þá er fyrsta sögnin mikilvægust!

Takk fyrir svörin! Ég setti þetta hérna inn því að umræðan sem ég og Örvar áttum var sú að mér fannst þetta ekki opnun en honum opnun. Eftir á að hyggja er ég kominn á þá niðurstöðu að þetta hafi verið opnun. Spilið í heild. Samningurinn var 3.

Á hættu: A-V		Norður		Samningur
			K962
Gjafari: Suður			AJ5
			K952
Vestur			J4	Austur
	J54				87
	2				KD108
	106				D8743
	AD109876				K3
		Suður
			AD103
			97643
			AJ
			52

Góð samantekt hjá Bjarna, lykilatriði að ramma sig inn hratt til að hafa betri stjórn á málunum og þurfir að giska sem minnst í framhaldinu. Opnun er ekki útspilsvísandi en innákomur eru það.

Þess vegna er gott að opna létt en það sem menn hafa kannski oft brennt sig á er þegar makker er ekki með sama ramma í huga

Almennt þarf bara tvennt í sögnum: Samkomulag og spilamat...